Revilieshan 22:19 - Di Jamiekan Nyuu Testiment

¹⁹ An ef enibadi tek we eni paat a di mesij we iina da buk ya bout we Gad se a-go apm, Gad a-go tek we fi dem rait fi iit non a di fruut fram di chrii we gi laif an im rait fi liv iina di uoli siti, we rait dong iina da buk ya.

Revilieshan 22:19 ပူးပေါင်းရင်းမြစ်များ

Luuk 11:52

“Chobl fi unu we tiich di Laa, kaaz unu tek we di kii we uopm di wie fi piipl andastan an nuo Gad wod. Unu neva go iin an unu a tap ada piipl fram go iin tu.”

Revilieshan 1:3

Enibadi we riid di sitn dem we iina da buk ya out loud a-go api, an di wan dem we ier it an du wa it se, dem a-go api tu. Kaaz di taim suun kom wen aal a dem sitn de we Jiizas tel wi bout a-go apm.

Revilieshan 11:2

Bot no meja out iina di yaad we mi ous de, kaaz mi gi da paat de tu di piipl dem we a no Juu. Dem a-go tek kanchuol a di uoli siti an ruul it fi faati-tuu mont.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 14:13

Den mi ier wan vais fram evn se tu mi se, “Rait dong dis: fram nou aan, di piipl dem we ded an dem an di Laad a wan, a dem bles.” Di Spirit se, “Yes, dem aad wok don, an dem a res nou, an aal a di sitn dem wa dem did du wi taak fi dem.”

Revilieshan 2:11

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem wa im waahn dem fi du, wen Gad kom bak fi joj di worl im naa go sen dem fi ded.

Revilieshan 2:26

Enibadi we biit di devl an no gi iin tu di sitn dem we im waahn dem fi du, an gwaan du we mi waahn dem fi du til di en a di worl, mi a-go gi dem powa fi ruul uova di piipl dem we liv iina di ada konchri dem.

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.

Revilieshan 21:2

Mi si di uoli siti, di nyuu Jeruusilem, a kom dong fram Gad outa evn. It did luk laik wan uman we jres op nais nais fi go a ar wedn fi miit di man we shi a-go marid.

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Revilieshan 22:12

“Lisn, aal a unu, mi suun kom! An wen mi kom mi a-go ponish di piipl dem we du rang, an mi a-go gi di piipl dem we a liv rait wa mi did se mi wuda gi dem. Evribadi a-go get wa dem fi get bies pan wa dem du.

Revilieshan 22:2

Di waata did a ron dong di migl a di siti mien ruod. Pan di tuu saida di riva, di chrii we gi laif did a gruo. Di chrii bier fruut twelv taim fi di ier — wan taim fi evri mont a di ier. Di piipl iina di worl yuuz di liif dem fi mek dem beta wen dem sik.

Revilieshan 22:7

Jiizas se, “Lisn, aal a unu, mi suun kom! Unu si enibadi we du aal we rait dong iina da buk ya bout wa a-go apm nou an wa a-go apm lieta, a dem wel api.”

Revilieshan 3:12

Evri wan a unu we biit di devl an no gi iin tu di sitn dem we im waahn unu fi du, mi a-go mek unu komiin laka wan impuotant kalom iina fi mi Gad ous, an unu naa go lef, unu a-go tan de fi eva an eva. An mi a-go rait fi mi Gad niem pan im, an mi a-go rait pan im Nyuu Jeruusilem, we a fi mi Gad siti niem. Da siti de kom fram Gad an a-go kom dong fram evn. An mi a-go rait dong fi mi nyuu niem pan im tu.

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.