Revilieshan 22:18 - Di Jamiekan Nyuu Testiment

¹⁸ Mi a waan enibadi we ier di sitn dem we rait dong iina da buk ya bout wa a-go apm. Mi a waan unu, ef nobadi ad notn, Gad a-go mek dem go chuu di sevn torbl sitn dem we rait dong iina da buk ya.

Revilieshan 22:18 ပူးပေါင်းရင်းမြစ်များ

Matyu 15:13

Ier Jiizas no, “Evri plaant we mi Faada iina evn neva plaant a-go ruut op.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

Revilieshan 1:3

Enibadi we riid di sitn dem we iina da buk ya out loud a-go api, an di wan dem we ier it an du wa it se, dem a-go api tu. Kaaz di taim suun kom wen aal a dem sitn de we Jiizas tel wi bout a-go apm.

Revilieshan 15:1

Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.

Revilieshan 15:6

An di sevn ienjel dem we av di sevn torbl sitn dem we a-go mek piipl sofa kom outa Gad ous. Dem did av aan linin kluoz we did kliin an shain. An aal a dem did av aan wan braad guol belt kraas dem ches.

Revilieshan 19:20

Bot di wail animal an di faalz prafit we did du di mirikl dem fi di wail animal get kyapcha. Di faalz prafit did yuuz di mirikl dem fi fuul op di piipl dem we did tek di maak a di wail animal an we worship di sitn we luk laik im. Di tuu a dem get fling dong iina di liek a faiya we a bon wid solfa.

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.

Revilieshan 22:10

“Di sitn dem we bout fi apm nou, an di sitn dem we a-go apm lieta we rait dong iina da buk ya, no aid dem fram piipl, kaaz di taim suun kom fi aal a dem apm.

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”

Revilieshan 22:7

Jiizas se, “Lisn, aal a unu, mi suun kom! Unu si enibadi we du aal we rait dong iina da buk ya bout wa a-go apm nou an wa a-go apm lieta, a dem wel api.”

Revilieshan 22:9

bot di ienjel se tu mi se, “Nuo, no du dat! Mi a wan sorvant jos laik yu an yu breda — di prafit dem, an aal uu du we rait dong iina da buk ya. A Gad yu fi worship!

Revilieshan 3:14

An den im se, “Rait da leta ya go gi di liida fi di choch we iina Leyodiisiya an tel im se: Da mesij ya a kom fram di wan we niem di Iemen, di wan we aalwiez shuo wi di chuut bout Gad, an a im Gad yuuz fi mek evriting.