Revilieshan 22:11 - Di Jamiekan Nyuu Testiment

¹¹ So, di piipl dem we a du rang mos gwaan du rang. Di piipl dem we a du aal kain-a naasinis mos gwaan du dem naasinis. Di piipl dem we a liv rait mos gwaan liv rait, an di piipl dem we a kip demself kliin mos gwaan kip demself kliin.

Revilieshan 22:11 ပူးပေါင်းရင်းမြစ်များ

Matyu 15:14

Lou dem, mek dem gwaan. Dem a blain piipl we a liid blain piipl. Ef blain a liid blain, di tuu a dem no boun fi jrap iina uol?”

Matyu 21:19

So im si wan fig chrii a di ruod-said an go kraas wich paat it de, bot im neehn si notn at aal pan it, jos suo-so liif. Jiizas se tu di chrii se, “Yu naa go eva bier fruut agen!” an siem taim di fig chrii jrai op.

Matyu 25:10

“Bot wen dem go we go bai di ail, di braidgruum go kom, an di wan dem we did redi go wid im wich paat di wedn dina did a kip. Den di sorvant dem lak di duor.

Matyu 5:45

Wen unu du dat, unu wi komiin jos laik unu Faada we de a evn. Yu si ou im mek di son raiz op an shain pan wikid piipl an gud piipl? An a siem so im mek rien faal pan piipl we du wa rait iina im yai an di wan dem we no lisn wa im se.

Matyu 5:6

Uu waahn du wa rait iina Gad yai so bad, dat it komiin laik se a ded dem a ded fi onggri an dem chuot jrai laik se dem no jringk waata ou lang, Gad bles unu, kaa unu a-go get unu beli ful

Jan 8:21

Den Jiizas se tu dem agen se, “Mi a go we, an unu gweehn luk fi mi, bot unu gweehn ded iina unu sin. Unu kyaahn kom we paat mi a go.”

Ifiijan 5:27

Krais Jiizas du dis so im kuda gi op im choch tu imself laik wan gruup a piipl we luk wel gud — wan we no av no doti spat, no ringkl ringkl, ar notn laik dat, bot wan we gud an kliin an no av no faalt at aal.

Koloshan 1:22

Bot nou Gad mek unu im fren siek-a wa apm tu im Bwai Pikni. Im mek im Bwai Pikni ded so unu kuda get gud an kliin, widout no maak ar no sin, an unu no afi fiil gilti, an im naa go bliem unu fi notn wen unu kom infronta im.

2 Timoti 3:13

Bot di wikid piipl dem an di fraad dem a-go get fram bad tu wos. Dem a-go gwaan chrik piipl an lou demself fi get chrik tu.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.

Revilieshan 16:21

Som big uol ielstuon jrap outa di skai pan piipl. Som a dem wie nieli onjrid poun. An di piipl dem kos Gad siek-a di torbl sofarieshan we dem fies siek-a di ielstuon dem we jrap pan dem.

Revilieshan 22:3

Notn ar nobadi we Gad no tek iin kyaahn go iina di siti. Gad an di Biebi Shiip chuon a-go iina di siti an Gad piipl a-go worship im.