Revilieshan 21:9 - Di Jamiekan Nyuu Testiment

⁹ Di sevn ienjel dem we did av di sevn boul ful-a di sevn laas sitn dem fi mek piipl sofa wikid wikid, wan a dem se tu mi se, “Kum, mek mi shuo yu di braid, di Biebi Shiip waif.”

Revilieshan 21:9 ပူးပေါင်းရင်းမြစ်များ

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.

Revilieshan 17:1

Wan a di sevn ienjel dem we av di sevn boul dem kom an se tu mi se, “Kum ya! Mek a shuo yu ou Gad a-go joj an ponish di powaful an wikid uor — dat a di siti we bil op saida uol iip a waata,

Revilieshan 19:7

Mek di uol a wi jomp op an dong wid jai iina wi aat. Mek wi gi'im nof rispek an ana! Kaaz di taim kom nou fi di Biebi Shiip get marid, an di uman we im fi marid tu, redi an a wiet pan im.

Revilieshan 21:17

Im meja di siti waal wid im ruula an it a did 216 fut ai (azkaadn tu ou piipl meja tingz, an a di siem wie fi meja di ienjel did a yuuz).

Revilieshan 21:2

Mi si di uoli siti, di nyuu Jeruusilem, a kom dong fram Gad outa evn. It did luk laik wan uman we jres op nais nais fi go a ar wedn fi miit di man we shi a-go marid.

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.

Revilieshan 22:6

Di ienjel tel mi se, “Aal a dem sitn ya we mi a tel yu chuu an evribadi kyan biliiv dem. Di Laad, di Gad we gi'im Spirit tu im prafit dem fi priich im wod, sen im ienjel kom shuo im sorvant di sitn dem we suun apm.”