Revilieshan 21:7 - Di Jamiekan Nyuu Testiment

⁷ Enibadi we biit di devl an no gi iin tu di sitn dem we im waahn dem fi du, gweehn get aal dem nais sitn ya. An mi a-go bi fi dem Gad an dem a-go bi fi mi pikni.

Revilieshan 21:7 ပူးပေါင်းရင်းမြစ်များ

Matyu 19:29

An enibadi we lef dem yaad, dem breda, sista, faada, mada, pikni ar dem lan siek-a mi, dem wi get bak onjrid taim muo dan wa dem did av; plos dem a-go get fi liv fi eva tu.

Matyu 25:21

“Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Maak 10:17

Wen Jiizas did bout fi lef out wan man ron op tu im, go dong pan im nii an aks im se, “Gud tiicha, wa mi mos du ef mi waahn liv fi eva?”

Ruoman 8:14

Kaaz a onggl di piipl dem we mek Gad Spirit liid dem, a Gad pikni.

Ruoman 8:19

Az a matarafak, evriting we Gad mek, a did fi Gad shuo dem a uu im pikni dem bi.

2 Korintiyan 6:16

Faalz gad kyan de iina Gad choch? Unu badi a di ous fi di Gad we kyaahn ded. Gad imself se: “Mi wi liv iina dem aat an mi wi waak wid dem. Mi wi bi dem Gad an dem a-go bi mi piipl.”

2 Korintiyan 6:18

Mi wi bi unu faada, an unu wi bi mi bwai an gyal pikni dem.” Dat a wa di Laad we muor powaful dan evri an eniting se.

Iibruu 8:10

Bot nou, afta dem die de, dis a di nyuu pramis we mi a mek wid di Izrel piipl dem, di Laad se. Mi a-go put mi laa dem iina dem ed an mi a-go rait dem dong pan dem aat. Mi a-go bi fi dem Gad, an dem a-go bi fi mi piipl dem.

1 Piita 3:9

Wen sumadi du unu sopm, unu no fi du dem bak notn. An wen dem kos unu out, no bada kos dem aaf; insted-a dat unu fi aks Gad fi bles dem kaaz Gad kaal unu fi bles unu.

Revilieshan 2:11

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem wa im waahn dem fi du, wen Gad kom bak fi joj di worl im naa go sen dem fi ded.

Revilieshan 2:17

Aal uu av iez fi ier beta lisn gud we di Uoli Spirit a se tu di choch dem. Enibadi we biit di devl an no gi'iin tu di sitn dem we im waahn dem fi du, mi a-go gi dem som a di fuud we niem mana we sumadi did aid. An mi a-go gi dem wan wait stuon tu wid wan nyuu niem rait pan it. Onggl di sumadi we get da stuon de a-go andastan wa rait pan it.’

Revilieshan 2:25

Mi onggl waahn unu fi eng aan pan wa unu av til mi kom.

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.

Revilieshan 21:3

An mi did ier wan loud vais fram di chuon a se, “Fram nou aan Gad yaad a-go de mongks piipl. Im a-go liv wid dem an dem a-go bi fi'im piipl. Gad imself a-go de wid dem an im a-go bi fi dem Gad.