Revilieshan 21:5 - Di Jamiekan Nyuu Testiment

⁵ Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Revilieshan 21:5 ပူးပေါင်းရင်းမြစ်များ

Luuk 5:38

Nyuu wain mos put iina nyuu bakl.

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

Iibruu 12:27

Nou wen im se, ‘wan muo taim,’ dat shuo se di sitn dem we get shiek op im a-go tek dem we, an dem sitn de a di tingz we im did mek. Im a-go du dat so wa kyaahn shiek op, kyan tan.

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”

Revilieshan 1:19

“So rait evriting iina di buk, dat a di sitn dem we yu si we a apm nou an we go apm lieta.

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Revilieshan 22:19

An ef enibadi tek we eni paat a di mesij we iina da buk ya bout we Gad se a-go apm, Gad a-go tek we fi dem rait fi iit non a di fruut fram di chrii we gi laif an im rait fi liv iina di uoli siti, we rait dong iina da buk ya.

Revilieshan 22:6

Di ienjel tel mi se, “Aal a dem sitn ya we mi a tel yu chuu an evribadi kyan biliiv dem. Di Laad, di Gad we gi'im Spirit tu im prafit dem fi priich im wod, sen im ienjel kom shuo im sorvant di sitn dem we suun apm.”

Revilieshan 4:2

Siem taim di Uoli Spirit tek kanchuol a mi, an mi si wan chuon iina evn wid sumadi sidong pan it.

Revilieshan 4:9

Enitaim di sopm dem gi priez, ana an tangks tu di wan we sidong pan di chuon an we liv fi eva an eva,

Revilieshan 5:1

Wen mi luk agen, di wan we sidong pan di chuon av wan ruol op buk iina im rait an tai op tait wid sevn chring. Di tu saida di buk av sitn rait pan dem.