Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Revilieshan 21:3 - Di Jamiekan Nyuu Testiment

3 An mi did ier wan loud vais fram di chuon a se, “Fram nou aan Gad yaad a-go de mongks piipl. Im a-go liv wid dem an dem a-go bi fi'im piipl. Gad imself a-go de wid dem an im a-go bi fi dem Gad.

အခန်းကိုကြည့်ပါ။ ကော်ပီ




Revilieshan 21:3
29 ပူးပေါင်းရင်းမြစ်များ  

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.


Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.


Faalz gad kyan de iina Gad choch? Unu badi a di ous fi di Gad we kyaahn ded. Gad imself se: “Mi wi liv iina dem aat an mi wi waak wid dem. Mi wi bi dem Gad an dem a-go bi mi piipl.”


Mi wi bi unu faada, an unu wi bi mi bwai an gyal pikni dem.” Dat a wa di Laad we muor powaful dan evri an eniting se.


Nou wi prie se Faada Gad imself an wi Laad Jiizas wi mek wi kyan kom luk fi unu.


Insted-a dat dem did a luk fi wan beta plies — wan we de a evn. So Gad no shiem fi se im a fi dem Gad, kaaz im get wan siti redi fi dem.


Bot nou, afta dem die de, dis a di nyuu pramis we mi a mek wid di Izrel piipl dem, di Laad se. Mi a-go put mi laa dem iina dem ed an mi a-go rait dem dong pan dem aat. Mi a-go bi fi dem Gad, an dem a-go bi fi mi piipl dem.


An im wok az di liida fi di priis dem iina di muos uoli uoli plies, we Gad de. Da tent de a di riil tent, a di Laad put dat op — a no man!


Wen di sevn tonda ruol, mi did out fi rait dong wa dem se. Bot sumadi iina evn se tu mi se, “No tel nobadi wa di sevn tonda dem se. No rait it dong.”


Siem taim di vais we mi did ier fram evn taak tu mi agen. Im se, “Yu si di ienjel we tan op pan di sii an pan di lan wid di uopm ruol op buk iina im an, go tek it fram im.”


Den mi ier sumadi iina evn a baal out loud loud se: “Di taim kom nou wen fi wi Gad a-go siev im piipl dem. Nou im a-go tek im powa an ruul kaaz a im a king. Nou Krais Jiizas a-go ruul uova di worl. Kaaz di devl we yuuz tu tan op infronta Gad die an nait an tel lai pan wi breda an sista dem get kik outa evn.


Enibadi we biit di devl an no gi iin tu di sitn dem we im waahn dem fi du, gweehn get aal dem nais sitn ya. An mi a-go bi fi dem Gad an dem a-go bi fi mi pikni.


Notn ar nobadi we Gad no tek iin kyaahn go iina di siti. Gad an di Biebi Shiip chuon a-go iina di siti an Gad piipl a-go worship im.


Siek-a dat “dem tan op infronta Gad chuon nou an a sorv im die an nait iina im ous. An di wan we sidong pan di chuon a-go liv wid dem an protek dem.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ