Revilieshan 21:23 - Di Jamiekan Nyuu Testiment

²³ Di siti no niid di son ar di muun fi lait it op, kaaz Gad brait brait lait, lait it op, an di Biebi Shiip a di lamp fi di siti.

Revilieshan 21:23 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Maak 8:38

Kaaz ef nobadi shiem a mi an fi mi mesij iina da worl ya we ful op a sin an piipl we ton dem main gens Gad, di Man we Gad Pik naa go av notn fi du wid dem wen im kom iina im Faada brait brait lait wid im uoli ienjel dem.”

Luuk 2:32

im a di lait we a-go mek piipl we a no Juu nuo yu wiez an bring nof rispek tu yu piipl Izrel.”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 1:4

Im a di wan we mek evriting liv, an a im kyari lait kom gi piipl so dem kyan si.

Jan 1:9

Da lait de a di riil lait an im kom iina di worl an mek evribadi nuo im.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Jan 5:23

so dat evribadi kyan rispek di Bwai Pikni iina di sed wie dem rispek di Faada. Enibadi we no rispek di Bwai Pikni no rispek di Faada we sen im.

Aks 22:11

Sins mi kudn si kaaz di brait brait lait we did shain uova mi did blain mi, di man dem we did de de wid mi uol mi an an liid mi go a Damaskos.

Revilieshan 14:4

Dem man ya neva sliip wid no uman — dem neva av seks. Dem fala did Biebi Shiip evriwe im go. Dem did get siev fram mongks di piipl dem we de pan di ort, so dem bilang tu Gad an di Biebi Shiip. Dem komiin laik di fos paat a di sitn we sumadi gi Gad fram dem faam.

Revilieshan 18:1

Afta dis, mi si wan neks ienjel kom dong fram evn. Im av nof powa, an im brait lait lait op di ort.

Revilieshan 21:11

Di siti did ful-a Gad brait brait lait. Di wie it did so brait, it luk laik wan dier griin an bluu stuon we niem jaspa. Di stuon did so klier, yu kuda si rait chuu it, siem laik ou yu kyan si chuu kristal.

Revilieshan 21:25

Di giet fi di siti neva lak a die taim (an dem no av no nait de).

Revilieshan 22:5

No muo nait naa go kom iina di siti, so Gad piipl dem naa go niid no lamp lait ar no son lait, kaaz di Laad Gad brait brait lait a-go lait op di siti. An Gad piipl a-go ruul fi eva an eva.

Revilieshan 5:6

Den mi luk an si wan Biebi Shiip we luk laik dem did kil im bot im kom bak alaiv. Mi si im tan op nier di chuon, an di fuo laiv sitn dem an di elda dem tan op roun im. Im av sevn aan an sevn yai we a Gad Uoli Spirit we im sen aal bout di ort.

Revilieshan 7:17

Kaaz di Biebi Shiip we de a di migl a di chuon a-go tek kier a dem jos laik ou wan shepad tek kier a im shiip dem. Im a-go liid dem go a wan plies we fresh kliin waata eva a ron. An Gad gweehn jrai op aal a dem yai-waata.”