Revilieshan 21:14 - Di Jamiekan Nyuu Testiment

¹⁴ Di waal a di siti did bil op pan twelv big big stuon. An evri wan a di stuon dem did av di niem fi wan a di Biebi Shiip twelv apasl dem rait dong pan it.

Revilieshan 21:14 ပူးပေါင်းရင်းမြစ်များ

Matyu 16:18

An ier wa mi a se no, yu a Piita, wan rak. An a pan dis ya rak mi a-go bil fi mi choch, an no powa dong a el naa go kyan mash dat op.

Aks 1:26

Den dem jraa schraa an Mataiyas get pik, so im jain di gruup a ilevn apasl.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.

Ifiijan 2:20

Unu komiin laik wan bildin. Jos laik ou bildin mek pan foundieshan, a siem so unu av wan foundieshan. Fi unu foundieshan a di apasl an prafit dem. An Krais Jiizas a di rakstuon we uol di bildin tugeda.

Ifiijan 3:5

Gad neehn shuo da siikrit ya tu piipl bifuo nou. Bot iina dem taim ya, im mek di Uoli Spirit tel im piipl dem we im pik fi bi im apasl an prafit dem bout di siikrit.

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

Iibruu 11:10

Iebriyam tan de kaaz im did a luk faawod fi wan siti we Gad did jraa op an bil. Da siti de tan op pan som chrang foundieshan.

Juud 1:17

Mi fren, unu fi memba wa wi Laad Jiizas Krais apasl dem did tel unu.

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 21:13

Di siti did shiep laik wan baks. Pan evri wan a di said dem, yu did av chrii giet: chrii pan di naat said, chrii pan di sout said, chrii pan di iis said, an chrii pan di wes said.