Revilieshan 21:12 - Di Jamiekan Nyuu Testiment

¹² Di siti waal did wel ai an it did av twelv giet. Evri wan a di twelv giet dem did av wan ienjel a gyaad it, an di niem a wan a Izrel twelv chraib dem did rait dong pan it.

Revilieshan 21:12 ပူးပေါင်းရင်းမြစ်များ

Revilieshan 21:25

Di giet fi di siti neva lak a die taim (an dem no av no nait de).

Aks 26:7

Yu ana, a da siem pramis ya di twelv chraib a wi piipl dem a luk fi get. A dat mek dem gwaan sorv Gad nait an die. A siek-a wa mi a luk fi get fram Gad mek di Juu dem a se di sitn dem we dem a se gens mi.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Luuk 16:22

“Di bega ded an di ienjel dem kyari im tu Iebriyam said. Di rich man ded tu an get beri.

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Revilieshan 21:13

Di siti did shiep laik wan baks. Pan evri wan a di said dem, yu did av chrii giet: chrii pan di naat said, chrii pan di sout said, chrii pan di iis said, an chrii pan di wes said.

Revilieshan 21:15

Di ienjel we did a taak tu mi did av wan ruula iina im an we mek outa guol. Da ruula de a did fi meja di siti, di giet dem an di waal dem.

Revilieshan 22:14

“Di wan dem we wash dem lang jakit a dem api, kaaz a dem a-go get di rait fi go iina di siti an fi iit fruut fram di chrii we gi laif.