Revilieshan 21:1 - Di Jamiekan Nyuu Testiment

¹ Den afta Gad don joj evribadi, mi si wan nyuu evn an wan nyuu ort, kaaz di fos evn an di fos ort did disapier, an di sii did disapier tu.

Revilieshan 21:1 ပူးပေါင်းရင်းမြစ်များ

Ruoman 8:21

fi im kom frii dem an mek it so dat dem wudn ded an ratn. Gad wuda frii dem an gi dem aal a wa im av pudong fi im pikni dem.

2 Piita 3:10

Bot jojment die a-go kom wen wi naa ekspek it — jos laik ou tiif kom. Pan da die de, evn a-go disapier — braps — wid wan loud loud naiz. An evriting we mek op di yuunivors, di son, di muun, di staar an aal a dem sitn de a-go bon op, an di ort an evriting we piipl du pan it a-go bon op tu.

2 Piita 3:13

Bot wi a luk faawod fi di nyuu evn dem an di nyuu ort we im pramis wi. A de-so evribadi a-go liv ou Gad waahn dem fi liv.

Revilieshan 13:1

Wen mi luk mi si wan wail animal a kom outa di sii. It av ten aan an sevn ed, wid ten likl kroun pan im aan dem, an pan evri wan a im ed dem im av wan niem we se som torbl sitn bout Gad.

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Revilieshan 6:14

Di skai ruol op laik wan ruol op buk an disapier. An evri mountn an konchri tombl dong outa dem plies.