Revilieshan 20:9 - Di Jamiekan Nyuu Testiment

⁹ Dem maach kraas di uol ort an sorkl di siti we Gad lov an wich paat im piipl did a liv. Bot faiya kom dong fram evn an bon dem op.

Revilieshan 20:9 ပူးပေါင်းရင်းမြစ်များ

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Revilieshan 13:13

An di sekan wail animal du som powaful sitn, im aal mek faiya kom dong fram evn infronta piipl.

Revilieshan 11:5

Ef nobadi chrai fi du dem notn bad, faiya a-go kom outa dem mout an bon op dem enimi. A so enibadi we chrai fi chobl di tuu witnis dem a-go ded.

Luuk 17:29

Bot di die Lat lef Sadam, faiya an brimstuon kom dong laik rien fram evn an kil di uol a dem.

Luuk 9:54

Wen Jiemz an Jan, tuu a Jiizas falara dem, si wa a gwaan, dem aks im se, “Laad, Yu no waahn wi kaal dong faiya fram evn fi bon dem op?”

Iibruu 13:13

Wi fi galang outsaida di kyamp tu im den. Mek wi sofa an tek biit op, an tek di shiem we im did sofa tu.

Luuk 21:20

“Wen taim unu si se suoja soroun Jeruusilem, unu fi nuo se dischrokshan de nier.

Luuk 19:43

Di die a-go kom wen yu enimi dem a-go bil op wan waal roun yu so dem kyan atak yu fram evri said an yu kyaahn get we.