Revilieshan 20:2 - Di Jamiekan Nyuu Testiment

² Im kyapcha di jragan — di siniek we de bout fram wie bak wen, dat a di devl an Sietan — an tai im op fi wan touzn ier.

Revilieshan 20:2 ပူးပေါင်းရင်းမြစ်များ

Matyu 19:29

An enibadi we lef dem yaad, dem breda, sista, faada, mada, pikni ar dem lan siek-a mi, dem wi get bak onjrid taim muo dan wa dem did av; plos dem a-go get fi liv fi eva tu.

Matyu 8:29

Di man dem baal out, “Gad Bwai Pikni, lef wi no! A kom yu kom ya fi mek wi sofa bifuo taim, ehn?”

Maak 4:15

Di siid we jrap wich paat piipl waak, dem a di piipl we ier di mesij, bot Sietan kom siem taim an tek we di mesij outa dem aat.

Maak 5:7

Den im baal out pan tap a im vais se, “Lef mi no Jiizas, di Muos Ai Gad Bwai Pikni! Mi a beg yu, fi Gad siek, no mek mi sofa!”

Jan 12:31

A di taim nou wen Gad gweehn joj di piipl dem we iina di worl; a nou di ruula fi da worl ya gweehn get fling out.

Jan 16:11

An dem rang bout ou Gad joj piipl, kaa di wan we ron tingz iina di worl, Gad rait im aaf aredi.

Ruoman 16:20

Suun, Gad we gi piipl piis iina dem aat, wi put Sietan anda yu fut an mash im op. Mi prie se di Laad Jiizas Krais wi shuo unu lov iivn duo wi no dizorv it.

Iibruu 2:14

So den, sins dem pikni ya a piipl laik evribadi els, im did ton sumadi jos laka dem, da wie de, wen im go ded, im kuda tek we di devl powa, an mek im naa no muo powa fi kil nobadi.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

2 Piita 2:4

Kaaz ef Gad neehn iivn spier di ienjel dem we did sin, bot did chuo dem chriet dong a el we dem chien op iina daaknis a wiet til jojment kom,

Juud 1:6

Unu nuo tu bout di ienjel dem wa neehn tan we Gad put dem fi ruul. Dem jos lef dem plies so. Siek-a dat Gad tai dem op wid chien fi eva an eva. Gad a kip dem tai op iina wan daak daak pit til di big big jojment die.

Revilieshan 12:13

Wen di jragan si se im get fling dong a ort, im staat ron dong di uman we did av di bwai biebi.

Revilieshan 12:15

Den di jragan pit out wan uol iip a waata, laik wan riva, outa im mout fi chrai wash we di uman.

Revilieshan 12:17

Den di jragan get beks wid di uman — beks til im tempa a bwail uova. So im go we fi go mek waar gens ar ada pikni dem — di wan dem we du we Gad se dem fi du, an we biliiv evriting bout Jiizas.

Revilieshan 12:3

Den mi si wan neks powaful sain iina evn: wan big big red jragan we av sevn ed an ten aan, an sevn kroun pan im ed dem.

Revilieshan 12:4

Im yuuz im tiel an jrag dong wan outa evri chrii staar we iina di skai an fling dem dong a ort. Di jragan tan op infronta di uman we did bout fi av ar biebi, so dat im kuda nyam aaf ar pikni az im baan.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 13:2

Di wail animal we mi si luk laik wan taiga, bot im paa dem luk laik fi wan bier, an im mout luk big an powaful laik wan laiyan mout. Di jragan gi di wail animal di siem powa laik wa im av an mek im ruul pan im chuon wid nof nof powa.

Revilieshan 13:4

an aal a di piipl dem worship di jragan tu, kaaz im did gi di wail animal powa, an dem worship di wail animal a se, “Nobadi no powaful laik di wail animal? An nobadi kyan mek waar gens im?”

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

Revilieshan 20:7

Wen di touzn ier don, wan ienjel a-go luus Sietan fram im prizn

Revilieshan 9:11

Dem did av wan king. A im a di ienjel fi di pit. Iina di Iibruu langwij, im niem Abadan. An iina di Griik langwij im niem Apaliyan.