Revilieshan 20:14 - Di Jamiekan Nyuu Testiment

¹⁴ Den det an di plies we ded piipl de get fling dong iina di liek a faiya. Dis a di laas taim piipl a-go ded. Di liek a faiya a di laas det.

Revilieshan 20:14 ပူးပေါင်းရင်းမြစ်များ

1 Korintiyan 15:26

An di laas enimi we im a-go get rid a, a det.

Revilieshan 20:6

Di piipl dem we kom bak alaiv di fos taim riili api. Dem a Gad piipl. Di sekan det no av no powa uova dem. Dem a-go ton priis fi Gad an Krais Jiizas an dem a-go ruul wid im fi wan touzn ier.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Revilieshan 19:20

Bot di wail animal an di faalz prafit we did du di mirikl dem fi di wail animal get kyapcha. Di faalz prafit did yuuz di mirikl dem fi fuul op di piipl dem we did tek di maak a di wail animal an we worship di sitn we luk laik im. Di tuu a dem get fling dong iina di liek a faiya we a bon wid solfa.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 21:4

Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”

Revilieshan 20:13

Aal a di ded piipl dem we did iina di sii go bifuo Gad fi go get joj. An aal uu did iina di plies we ded piipl de kom bak alaiv an go bifuo Gad fi go get joj fi aal we dem did du.

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

1 Korintiyan 15:53

Kaaz di badi dem we wi av nou wi ded an ratn an so wi afi chienj dem an get wan badi we kyaahn ded. Di sitn dem we kyan ded afi go chienj an ton iina sitn we kyaahn ded.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.

Revilieshan 2:11

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem wa im waahn dem fi du, wen Gad kom bak fi joj di worl im naa go sen dem fi ded.

Revilieshan 6:8

Wen mi luk, mi si wan aas we av wan yelo-griin kola! Di wan we did a raid di aas niem det, an di wan we niem, di Plies we Ded Piipl Go did a fala rait baka im. Di tuu a dem did get powa fi yuuz suod, staavieshan, siknis, an wail wail animal fi kil aaf kwaata a di piipl dem pan ort.

Revilieshan 14:10

Gad a-go beks bad an a-go ponish dem wikid. A laik se dem a jringk chrang wain we Gad chuo gi dem iina wan kop an it no waata dong. Gad gweehn ponish dem wid solfa we a-go bon dem op laik faiya infronta im uoli ienjel dem an di Biebi Shiip.