Revilieshan 20:11 - Di Jamiekan Nyuu Testiment

¹¹ Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Revilieshan 20:11 ပူးပေါင်းရင်းမြစ်များ

Revilieshan 21:1

Den afta Gad don joj evribadi, mi si wan nyuu evn an wan nyuu ort, kaaz di fos evn an di fos ort did disapier, an di sii did disapier tu.

2 Piita 3:7

An a Gad siem wod a kip di evn an di ort ya nou til jojment die wen im a-go bon dem op iina faiya an ponish di piipl dem we no bizniz wid wa im se.

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Ruoman 2:5

Bot kaaz unu aad-iez an mek op unu main se unu naa ton we fram unu sin — unu a mek tingz aad fi unuself. Pan di die wen Gad kom bak fi joj di worl, im a-go ponish unu. Im a-go shuo se im beks wid di piipl dem we a sin, an im a-go ponish dem. An im a-go ponish unu aada dan di res a piipl dem.

Matyu 24:35

Evn an ort naa go de bout fi eva, bot fi mi wod a-go laas fi eva.

Revilieshan 16:20

Wen di ortkwiek did shiek, nobadi kudn fain non a di ailan dem ar di mountn dem — dem did gaan.

Revilieshan 6:14

Di skai ruol op laik wan ruol op buk an disapier. An evri mountn an konchri tombl dong outa dem plies.

Revilieshan 20:2

Im kyapcha di jragan — di siniek we de bout fram wie bak wen, dat a di devl an Sietan — an tai im op fi wan touzn ier.

Revilieshan 12:8

Bot di jragan did tuu wiik, so im kudn win an im kudn tan a evn.

Revilieshan 4:2

Siem taim di Uoli Spirit tek kanchuol a mi, an mi si wan chuon iina evn wid sumadi sidong pan it.

Revilieshan 19:11

Wen mi luk, mi fraitn fi si evn uopm op an wan wait aas tan op im infronta mi. An di sumadi we did a raid di aas niem di Wan we Aalwiez Sorv Gad an we Evribadi Kyan Chos. Im du wa rait wen im joj piipl an waar gens im enimi dem.

Matyu 11:22

Bot ier we mi a se, mi naa lai: it a-go iiziya fi Taiya an Saidan pan jojment die dan fi unu.

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”