Revilieshan 2:9 - Di Jamiekan Nyuu Testiment

⁹ Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

Revilieshan 2:9 ပူးပေါင်းရင်းမြစ်များ

Revilieshan 3:9

Lisn! A gweehn mek di laiyad piipl dem we bilang tu Sietan choch, we se dem a Juu wen dem a no no Juu — a gweehn mek dem kom lidong a unu fut wid dem fies a grong an mek dem andastan se mi lov unu.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Ruoman 9:6

Mi naa se Gad brok im pramis dem — Gad du evriting we im pramis fi du, bot a no evribadi we baan iina Izrel a riili Gad piipl.

2 Korintiyan 6:10

Wi aalwiez api iivn wen wi a sofa. An iivn duo wi puor wi a mek nof piipl rich. Mi no miin se wi elp dem mek moni, dem rich kaaz dem biliiv iina Gad an siek-a wa im a go gi dem wen dem biliiv. A siem so wid wi, it komiin laik se wi naa notn bot wi riili av evriting kaaz wi biliiv iina Gad.

1 Timoti 6:18

Tel dem fi du nof gud sitn — a dat dem fi rich wid, an tel dem se dem mos gi tu ada piipl an shier wa dem av.

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Revilieshan 2:2

Mi nuo evriting bout unu. Mi nuo aal wa unu go chuu kaaz unu biliiv iina mi, an ou unu tan op chrang an no gi op wen chobl tek unu. Mi nuo se unu kyaahn tek di wikid piipl dem. Unu tes di wan dem we taak bout se dem a apasl wen dem a no no apasl, an fain out se dem a uol laiyad.

Luuk 6:20

Jiizas luk pan im falara dem an tel dem se, “Aal a unu we puor, Gad bles unu kaaz di kindom a fu'unu uon.

Ruoman 12:12

Wail unu wiet fi di sitn dem we Gad pramis fi gi unu, unu mos api kaaz unu nuo se unu a-go get it. Wen chobl tek unu, unu no fi gi op bot unu mos gwaan uol chrang an unu fi prie aal di taim, neva tap.

Ruoman 5:3

Bot wi no jos api bout dat, wi api bout aal a di sitn dem we wi afi sofa chuu tu. Kaaz wi nuo se wen wi sofa chuu dem, wi wi get chrangga, an kaaz wi get chrangga wi kyan go chuu nof muor sopm an no gi op.

1 Timoti 1:13

Im pik mi iivn duo mi yuus tu kos im an taament im piipl dem. Duo mi did wikid, im di stil gud an kain tu mi kaaz im si se dem taim de mi neva biliiv iina im an mi neva riili nuo wa mi did a du.

1 Tesaluoniyan 3:4

Memba wen wi did de wich paat unu de, wi did waan unu lang bifuo it apm se wi did a go sofa? An si de — a dat apm! Unu don nuo dat aredi.

2 Korintiyan 8:2

Iivn duo aad taim tek dem an dem did puor so til, dem did eva api fi shier wa dem av wid ada piipl. Dem gi we nof nof sitn.

Ruoman 8:35

So den wa kyan mek Krais Jiizas tap lov wi? Ef chobl tek wi an pien lik wi, ef wi naa no fuud, no kluoz, notn, ef wi sofa siek-a wa wi biliiv, ef piipl chretn wi ar iivn ef dem kil wi, unu tingk se dat miin Krais Jiizas tap lov wi?

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.

Luuk 22:65

An dem se aal saat a ada torbl sitn gens im.

Luuk 12:21

“Dis a wa apm tu enibadi we siev op fi demself di sitn dem we de pan ort bot no rich iina di sitn dem we Gad kier bout.”

Ruoman 2:17

So nou, wa bout unu? Unu se unu a Juu, unu put unu chos iina di Laa an buos bout ou unu bilang tu Gad.

Aks 26:11

Mi ponish dem nof taim iina di Juu dem choch an chrai fi get dem fi ton we fram Jiizas an se dem no biliiv iina im no muor. Mi did so mad wid dem mi go afta dem aal iina farin konchri fi mek dem sofa.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Matyu 4:10

Jiizas ansa bak, “Muuv an gu we fram mi Sietan! It rait dong se, ‘Yu fi worship di Laad we a yu Gad, an a im wan yu fi sorv.’”

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Revilieshan 2:24

Nou dis a wa mi a tel di res a unu we de a Taiyataira, unu we naa fala di laiyad sitn dem we Jezibel a tiich an we no nuo notn bout wa dem kaal di siikrit sitn dem we Sietan shuo dem — mi naa put no muo presha pan unu.