Revilieshan 2:5 - Di Jamiekan Nyuu Testiment

⁵ So memba ou faar unu jrap bak fram di lov unu yuuz tu av fi wan aneda. Ton we fram unu sin an staat du di rait sitn dem we unu yuus tu du wen unu did jos get siev. Ef unu no du dat, mi a-go kom tek we unu guol sitn we unu yuuz fi uol kyanggl fram we it de.

Revilieshan 2:5 ပူးပေါင်းရင်းမြစ်များ

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.

Revilieshan 2:16

Dem fi ton we fram dem sin, shuo se dem sari fi di rang we dem du an beg Gad paadn! Ef unu no du dat, mi a-go kom tu unu suun an waar gens dem wid di suod we kom outa mi mout.

Revilieshan 2:19

“Mi nuo ou unu liv: unu lov wan aneda, tan op chrang fi wa unu biliiv, sorv wan aneda, an tan op chrang an no gi op wen unu did a go chuu nof chobl an kraasiz. Matarafak, unu a du nof muo nou dan wa unu yuus tu du wen unu did jos get siev.

Revilieshan 1:20

Di sevn staar dem we yu si iina mi rait an, an di sevn guol sitn dem fi uol kyanggl, dis a wa dem miin: di sevn staar dem a di liida dem fi di sevn choch dem, an di sevn sitn fi uol kyanggl a di sevn choch dem.”

Luuk 1:17

Im a-go go bifuo Gad, wid di siem Spirit an powa laik wa Ilaija did av. Im aal a-go mek faada kom bak kom lov dem pikni. An di piipl dem we neva did a ier Gad, a-go staat tingk laik gud sumadi an du wa rait. An da wie de im a-go mek piipl redi fi di Laad.”

Luuk 20:16

Im a-go kom an kil aaf di tenant dem an tek di faam gi ada piipl.” Wen di piipl dem ier dis, dem se, “Wi uop se dis wi neva apm!”

Maak 12:9

Jiizas aks, “So wa unu tingk di uona fi di faam a-go du? Im a-go kom an kil aaf di tenant dem an tek di faam gi ada piipl.

Revilieshan 2:2

Mi nuo evriting bout unu. Mi nuo aal wa unu go chuu kaaz unu biliiv iina mi, an ou unu tan op chrang an no gi op wen chobl tek unu. Mi nuo se unu kyaahn tek di wikid piipl dem. Unu tes di wan dem we taak bout se dem a apasl wen dem a no no apasl, an fain out se dem a uol laiyad.

Gyalieshan 5:4

Yu si di wan dem we gaan bak gaan fala di Laa an tingk se dat a-go mek tingz rait bitwiin dem an Gad — dem kot aaf demself fram Krais Jiizas. Unu a mek it so dat Gad naa go kyan gud an kain tu unu.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.

Iibruu 10:32

Bot unu fi memba iina di paas wen unu did jos andastan Gad wie, di sofarieshan we unu did afi go chuu, bot unu uol aan an kot chuu siem wie.

Revilieshan 16:9

Di son did so at it bon di piipl dem bad bad. An iivn duo dem a bon op, dem stil a kos Gad, Gad we av powa uova di sitn dem we mek piipl sofa. Dem kos im an stil wudn ton we fram dem sin an gi Gad priez.

Matyu 5:14

“Unu a laik lait we di uol worl niid. Wan siti we de pan di il tap, it kyaahn aid.

Matyu 5:15

Nobadi no lait lamp an kova it op anda wan boul — nuo sa! Lamp pudong we it kyan lait op di uol ous.

Filipiyan 2:15

Da wie de, nobadi kyaahn paint no fingga pan unu, kaaz unu a Gad pikni we a liv kliin an naa miks op iina di torbl sitn dem we di piipl we a liv iina da taim ya a du. Nuo! Unu a shain laik wan brait lait iina di worl.

2 Piita 3:17

So fren, laik ou unu nuo dis aredi, wach out an no bada mek di rang we di wikid piipl dem we no bizniz wid Gad a du, kaaz unu fi chrie. Unu biliiv iina Gad chrang chrang nou, so no bada jrap aafa faam.