Revilieshan 2:23 - Di Jamiekan Nyuu Testiment

²³ Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Revilieshan 2:23 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Luuk 16:15

Jiizas se tu dem se, “Unu aalwiez mek unuself luk gud tu ada piipl, bot Gad nuo unu aat. Yu si aal dem sitn we piipl lov, Gad naa no yuus fi dem.

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 4:16

So Jiizas tel ar se, “Gwaan go kaal yu ozban an kom bak.”

Aks 1:24

Den dem prie, “Laad, yu nuo wa iina evribadi aat. So shuo wi wich wan a dem yu pik

Ruoman 14:12

So den evribadi afi go ansa tu Gad fi demself.

Ruoman 8:27

An Gad we kyan luk iina wi aat an nuo wa wi riili waahn, im andastan we di Spirit a se. Kaaz di Spirit prie fi Gad piipl an wen im prie im prie jos laik ou Gad waahn im fi prie.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

Gyalieshan 6:5

Kaaz evribadi mos kyari dem uona luod.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

1 Piita 1:17

Gad no paashal, an im a-go joj evribadi bies pan ou dem liv dem laif an wa dem du. Ef unu kaal im Faada, unu fi liv rait an shuo im rispek fi di taim we unu de ya mongks chrienja.

Revilieshan 2:11

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem wa im waahn dem fi du, wen Gad kom bak fi joj di worl im naa go sen dem fi ded.

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.

Revilieshan 20:12

An mi si ded piipl, piipl we mata an piipl we no mata, tan op infronta di chuon, an som buk did uopm op. An wan neda buk did uopm op tu, di buk we Gad rait dong di niem a di piipl dem we a-go get fi liv fi eva. Di ded piipl dem get joj bies pan wa dem did du. An wa dem did du did rait dong iina di buk dem.

Revilieshan 20:13

Aal a di ded piipl dem we did iina di sii go bifuo Gad fi go get joj. An aal uu did iina di plies we ded piipl de kom bak alaiv an go bifuo Gad fi go get joj fi aal we dem did du.

Revilieshan 22:12

“Lisn, aal a unu, mi suun kom! An wen mi kom mi a-go ponish di piipl dem we du rang, an mi a-go gi di piipl dem we a liv rait wa mi did se mi wuda gi dem. Evribadi a-go get wa dem fi get bies pan wa dem du.

Revilieshan 6:8

Wen mi luk, mi si wan aas we av wan yelo-griin kola! Di wan we did a raid di aas niem det, an di wan we niem, di Plies we Ded Piipl Go did a fala rait baka im. Di tuu a dem did get powa fi yuuz suod, staavieshan, siknis, an wail wail animal fi kil aaf kwaata a di piipl dem pan ort.