Revilieshan 2:21 - Di Jamiekan Nyuu Testiment

²¹ Mi gi ar taim fi chienj ar wiez an fi shuo se shi sari fi di rang we shi a du, bot shi aad-iez an no waahn gi op ar seks sin dem.

Revilieshan 2:21 ပူးပေါင်းရင်းမြစ်များ

2 Piita 3:9

Gad no lingga wid notn we im pramis fi du laik wa som piipl mait-a tingk. Im jos a gwaan tek im taim wid unu kaaz im no waahn nobadi fi sofa. Wa im waahn a fi evribadi ton we fram sin an kom tu im.

Revilieshan 16:11

Siek-a ou dem a sofa an di suor we dem av, dem kos aaf Gad we iina evn, bot dem stil wudn ton we fram di torbl sitn we dem did a du.

Revilieshan 16:9

Di son did so at it bon di piipl dem bad bad. An iivn duo dem a bon op, dem stil a kos Gad, Gad we av powa uova di sitn dem we mek piipl sofa. Dem kos im an stil wudn ton we fram dem sin an gi Gad priez.

2 Piita 3:15

Memba se Gad a tek im taim so dat unu kyan get siev, jos laik wa wi gud fren, breda Paal rait an tel unu. A Gad mek im waiz so, so im kuda rait dem sitn de we im rait an tel unu.

1 Piita 3:20

Dem de spirit de, a di spirit fi di piipl dem we neva fala Gad iina Nowa taim, wen Nowa did a bil di big buot. Gad did a wiet pan dem piipl de ou lang. A onggl iet a dem en op go iina di buot an kom chuu di flod sief sief.

Ruoman 9:22

Gad did waahn fi shuo piipl se im beks, im did waahn dem fi nuo umoch powa im av. Bot im tek taim wid dem an put op wid di siem piipl we did a beks im; di piipl we im did redi fi waip out.