Revilieshan 2:17 - Di Jamiekan Nyuu Testiment

¹⁷ Aal uu av iez fi ier beta lisn gud we di Uoli Spirit a se tu di choch dem. Enibadi we biit di devl an no gi'iin tu di sitn dem we im waahn dem fi du, mi a-go gi dem som a di fuud we niem mana we sumadi did aid. An mi a-go gi dem wan wait stuon tu wid wan nyuu niem rait pan it. Onggl di sumadi we get da stuon de a-go andastan wa rait pan it.’

Revilieshan 2:17 ပူးပေါင်းရင်းမြစ်များ

Revilieshan 2:11

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem wa im waahn dem fi du, wen Gad kom bak fi joj di worl im naa go sen dem fi ded.

Revilieshan 2:7

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem we im waahn dem fi du, mi a-go gi dem di rait fi iit fram di chrii we gi laif, we iina Gad gyaadn we de a evn.

Revilieshan 14:3

An dem sing wan nyuu sang infronta di chuon an infronta di fuo laiv wail animal an di elda dem. Nobadi kudn lorn di sang, onggl di 144,000 we Gad did siev.

Revilieshan 3:22

Aal uu kyan ier beta lisn tu wa di Uoli Spirit a se tu di choch dem.”

Revilieshan 3:6

Aal a uu kyan ier beta lisn gud we di Uoli Spirit a se tu di choch dem.”

Koloshan 3:3

Unu du dat, kaaz unu did ded an unu a-go liv wid Krais Jiizas. Unu riili a liv, duo unu no andastan bout it yet. Unu a-go liv kaa unu an Krais Jiizas kluos an Krais Jiizas an Gad kluos tu.

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

Matyu 13:11

Jiizas se, “Unu get di chaans fi nuo di siikrit sopm dem bout Gad kindom, bot no dem.

Jan 4:32

Bot Jiizas tel dem se, “Mi av fuud fi nyam we unu no nuo notn bout.”

Revilieshan 19:16

Pan im lang jakit an pan di tap paat a im fut im av wan niem rait dong: KING UOVA AAL A DI KING DEM AN LAAD UOVA AAL A DI LAAD DEM.