Revilieshan 2:16 - Di Jamiekan Nyuu Testiment

¹⁶ Dem fi ton we fram dem sin, shuo se dem sari fi di rang we dem du an beg Gad paadn! Ef unu no du dat, mi a-go kom tu unu suun an waar gens dem wid di suod we kom outa mi mout.

Revilieshan 2:16 ပူးပေါင်းရင်းမြစ်များ

2 Tesaluoniyan 2:8

An den, di wan we brok Gad Laa a-go shuo op an mek evribadi nuo uu im bi. Bot wen di Laad Jiizas kom im a-go bluo pan im kil im, an Jiizas brait brait lait a-go waip im out fi gud.

Revilieshan 1:16

Im did av sevn staar iina im rait an, an wan suod wid di tuu said dem wel shaap kom outa im mout. An im fies shain brait laik di son a migl die.

Revilieshan 2:5

So memba ou faar unu jrap bak fram di lov unu yuuz tu av fi wan aneda. Ton we fram unu sin an staat du di rait sitn dem we unu yuus tu du wen unu did jos get siev. Ef unu no du dat, mi a-go kom tek we unu guol sitn we unu yuuz fi uol kyanggl fram we it de.

Ifiijan 6:17

An mek di fak se unu nuo se Gad siev unu, protek unu siem laik ou suoja elmit protek dem ed fram dem enimi. An uol aan tait pan di suod we di Uoli Spirit gi unu, dat a Gad wod.

Revilieshan 19:21

Di res a piipl dem get kil wid di suod we kom outa di man mout we did de pan di aas. An aal a di bod dem nyam di piipl dem badi til dem tumok ful.

Revilieshan 19:15

Wan shaap suod kom outa im mout we im a-go yuuz fi waar gens di piipl dem iina di worl an ponish dem. “Im a-go ruul dem wid wan aiyan paip.” An im a-go tep op, tep op pan dem an mash dem out laik wen piipl a mash out griep wid dem fut. Im a-go du dem da wie de fi mek dem si se Gad we av aal di powa, wel mad wid dem.

Revilieshan 2:12

“Rait da leta ya sen go gi di liida fi di choch we iina Porgamom an tel im se: Di wan we av di suod we di tuu said dem wel shaap se fi tel im se,

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.

Revilieshan 22:7

Jiizas se, “Lisn, aal a unu, mi suun kom! Unu si enibadi we du aal we rait dong iina da buk ya bout wa a-go apm nou an wa a-go apm lieta, a dem wel api.”

Revilieshan 16:9

Di son did so at it bon di piipl dem bad bad. An iivn duo dem a bon op, dem stil a kos Gad, Gad we av powa uova di sitn dem we mek piipl sofa. Dem kos im an stil wudn ton we fram dem sin an gi Gad priez.

Revilieshan 22:20

Jiizas, di wan we tel wi dem sitn ya, im se, “Ye, mi suun kom.” Iemen! Kom Laad Jiizas!