Revilieshan 2:10 - Di Jamiekan Nyuu Testiment

¹⁰ No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Revilieshan 2:10 ပူးပေါင်းရင်းမြစ်များ

Matyu 10:22

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Matyu 10:28

No fried a nobadi, kaa dem kyan onggl kil di badi, dem kyaahn kil unu suol. Uu unu fi fried a a Gad, kaa im kyan dash unu dong a el, an mash op unu badi an suol.

Matyu 24:13

Bot aal uu eng aan an tan op chrang no mata wa, a dem a-go get siev.

Maak 13:13

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Maak 8:35

Sumadi we waahn siev dem laif a-go luuz it, bot enibadi we luuz dem laif siek-a mi an kaaz dem tan op chrang fi di Gud Nyuuz, dem a-go siev dem laif.

Luuk 21:12

“Bifuo aal dem sitn ya apm, dem a-go grab unu an diil wid unu bad. Dem wi tek unu an an unu uova tu di liida dem fi di Juu dem choch an sen unu go a prizn. Dem a-go kyari unu go infronta king an liida, kaaz unu fala mi.

Jan 12:25

“Di sumadi we lov im laif tu moch a-go luuz it, bot di wan we no eng aan pan dem laif iina da worl ya a-go get fi kip it fi eva.

Jan 13:2

Sopa did a sorv, an di devl did don put it iina Juudas, Saiman bwai pikni, aat fi sel out Jiizas.

Jan 13:27

An siem taim Juudas tek di bred so, Sietan tek uova im aat. “Mikies an du we yu bout fi du,” Jiizas se tu im.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Aks 21:13

Den Paal ansa wi se, “Wa unu a du, a baal unu a baal an a brok mi aat? Wel, mi redi no onggl fi dem tai mi op bot aal ef a ded mi a-go ded iina Jeruusilem mi redi fi ded fi mi Laad Jiizas Krais.”

1 Korintiyan 9:25

Enibadi we a rona ar uu plie eni kain-a spuot afi eksasaiz an wok aad evridie. Dem afi nuo ou fi kanchuol demself iina evriting we dem du. Dem du dat so dat dem kyan win wan medal. Di medal we dem win kyan mash op bot yu si wa wi a-go get, dat kyaahn mash op — it a-go laas fi eva an eva.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

1 Piita 5:4

An wen di Ed Shepad kom bak, unu wi get wan shaini kroun we naa go fied out.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

Revilieshan 13:2

Di wail animal we mi si luk laik wan taiga, bot im paa dem luk laik fi wan bier, an im mout luk big an powaful laik wan laiyan mout. Di jragan gi di wail animal di siem powa laik wa im av an mek im ruul pan im chuon wid nof nof powa.

Revilieshan 13:7

An di wail animal get powa fi mek waar gens Gad piipl dem an fi win dem. An im get powa uova evri chraib, piipl, dem langwij an dem konchri.

Revilieshan 17:14

Dem a-go mek waar gens di Biebi Shiip, bot di Biebi Shiip a-go biit dem kaaz im a Laad uova aal laad an King uova evri king — im a-go av im speshal piipl dem wid im, we im kaal, pik, an we du we im se.”

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.