Revilieshan 19:18 - Di Jamiekan Nyuu Testiment

¹⁸ so unu kyan nyam unu beli ful. Kom nyam aal kain-a badi: badi fi di king dem, di ed suoja dem, di powaful piipl dem, di aas dem an dem raida an di badi fi piipl we frii an piipl we a sliev, badi fi piipl we mata an piipl we no mata.”

Revilieshan 19:18 ပူးပေါင်းရင်းမြစ်များ

Revilieshan 6:15

Den di king dem pan ort, di impuotant piipl dem, di aami liida dem, rich piipl, evribadi, weda dem a sliev ar dem frii, ron go aid iina kiev an baka di mountn rak dem.

Revilieshan 13:16

Im aal fuos evribadi, likl an big, rich an puo, uu frii an uu a sliev, fi tek wan maak pan dem rait an ar pan dem farid.

Luuk 17:37

Dem aks im, “Wich paat Laad?” Im se, “Eniwe yu av ded badi, a de-so jangkro a-go gyada.”

Matyu 24:28

Eniwe di ded badi de, a de-so jangkro a-go gyada.

Revilieshan 11:18

Di piipl dem we neva did a worship yu did wel beks wid yu; an di taim kom nou fi yu shuo dem se yu beks wid dem tu. An a taim nou fi yu joj di ded, an fi gi yu sorvant di prafit dem, an yu piipl an aal uu ana an rispek yu, weda dem big ar likl, wa dem dizorv. An a taim nou fi yu mash op di piipl dem we a mash op di ort.”

Revilieshan 17:16

Di wail animal an di ten aan dem we yu did si a-go iet di uor. Dem a-go mash ar op an lef ar niekid. Dem a-go nyam ar flesh an tek faiya bon ar op.

Revilieshan 19:5

Den wan vais kom fram di chuon a se, “Priez fi wi Gad, aal a unu we a im piipl, an aal a unu we rispek im, weda unu likl ar big, priez im!”