Revilieshan 19:12 - Di Jamiekan Nyuu Testiment

¹² Im yai dem komiin laik wan faiya we a bliez, an im av wan uol iip a kroun pan im ed. Im av wan niem rait pan im we nobadi no nuo, onggl im wan.

Revilieshan 19:12 ပူးပေါင်းရင်းမြစ်များ

Revilieshan 19:16

Pan im lang jakit an pan di tap paat a im fut im av wan niem rait dong: KING UOVA AAL A DI KING DEM AN LAAD UOVA AAL A DI LAAD DEM.

Luuk 10:22

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.”

Revilieshan 1:14

Im ed an im ier did wait laik katn ar sunuo, an im yai dem shain brait laik wan faiya we a bliez.

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Revilieshan 3:12

Evri wan a unu we biit di devl an no gi iin tu di sitn dem we im waahn unu fi du, mi a-go mek unu komiin laka wan impuotant kalom iina fi mi Gad ous, an unu naa go lef, unu a-go tan de fi eva an eva. An mi a-go rait fi mi Gad niem pan im, an mi a-go rait pan im Nyuu Jeruusilem, we a fi mi Gad siti niem. Da siti de kom fram Gad an a-go kom dong fram evn. An mi a-go rait dong fi mi nyuu niem pan im tu.

Iibruu 2:9

Wa wi si ya nou a Jiizas. Fi wan likl wail im did de luo dong dan di ienjel dem, bot nou im av powa. Nou Gad riez im op ai ai laik a wan kroun im put pan im ed. Im av powa an Gad riez im op ai ai kaaz im sofa an ded. An kaaz Gad lov wi so moch iivn duo wi no dizorv it, im mek Jiizas ded fi evribadi.

Revilieshan 12:3

Den mi si wan neks powaful sain iina evn: wan big big red jragan we av sevn ed an ten aan, an sevn kroun pan im ed dem.

Revilieshan 6:2

Wen mi luk mi si, wan wait aas tan op infronta mi! Di man we did a raid di wait aas did av wan buo an aro iina im an, an im did get wan kroun. An im raid outa evn go a ort laik wan suoja we fait an biit op im enimi dem aredi an a go biit dem op agen.

Revilieshan 13:1

Wen mi luk mi si wan wail animal a kom outa di sii. It av ten aan an sevn ed, wid ten likl kroun pan im aan dem, an pan evri wan a im ed dem im av wan niem we se som torbl sitn bout Gad.

Matyu 21:5

“Tel di piipl dem we kom fram Zaiyan se, ‘Luk ya, unu king a kom tu unu, im a kom jengkl an ombl, a sidong pan wan big dangki, an pan wan yong dangki tu — dat a di mada dangki biebi.’”

Jan 17:11

“Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

Jan 17:12

Wen mi did de mongks dem, mi yuuz yu powa fi gyaad an kip dem sief — di powa we yu did gi mi. Non a dem neehn laas, onggl di wan we did baan fi ded an go a el. An dis ya apm so dat wa Gad wod se wuda kom chuu.

Ifiijan 1:21

Fram im ai pozishan wich paat im sidong iina evn, Krais Jiizas ruul uova evri spirit we av powa fi ruul iina dem taim ya an iina di worl we a kom.