Revilieshan 18:24 - Di Jamiekan Nyuu Testiment

²⁴ Gad ponish Babilan kaaz shi did kil im piipl an im prafit dem, an aal di piipl we get kil aal uova di worl, a Babilan kil dem.”

Revilieshan 18:24 ပူးပေါင်းရင်းမြစ်များ

Revilieshan 17:6

Mi si se di uman did jongk. Shi did jringk an get jongk wid Gad piipl dem blod — di wan dem we dem did kil. Dem kil dem kaaz dem did tan op chrang fi wa dem biliiv bout Jiizas. Wen mi si ar, mi fraitn so til.

Revilieshan 16:6

kaaz dem kil yu piipl an yu prafit dem an mek fi dem blod ron, so yu gi dem blod fi jringk, an a dat dem dizorv.”

Revilieshan 19:2

Priez im kaaz im joj piipl ou dem fi get joj. Im joj di powaful uor we mek aal di piipl pan di ort tek paat iina ar seks sin dem. Im ponish ar fi'im piipl dem we shi kil.”

Aks 7:52

Wich wan a Gad prafit dem fi unu faada faada dem neva mek sofa? Dem aal kil Gad mesinja dem we did tel dem fram wie bak wen se di wan we aalwiez du we rait did a kom. Bot unu sel im out an kil im.

Revilieshan 11:7

Wen dem don se aal wa Gad waahn dem fi se, di wail wail animal we kom op outa di diip diip pit we no av no batam gweehn atak dem, an biit dem an kil dem.

Matyu 23:35

So aal a di piipl dem we did a liv rait iina Gad yai an unu kil dem, fi dem blod a-go de pan fu'unu shuolda. Fram Iebl we did a liv rait iina Gad yai, tu Zakaraiya — Barakiya bwai pikni. A im unu kil aaf bitwiin Gad ous an di alta wich paat dem bon sakrifais.

Matyu 23:27

“A se, yu si unu Laa tiicha an Farisii — chobl fu'unu! Set a ipokrit unu! Unu tan laik tuum we dem pient wait a ier taim — priti pan di outsaid bot insaida dem ful op a ded man buon an aal kain-a doti, ratn sitn.

1 Tesaluoniyan 2:15

A dem siem Judiyan piipl de kil aaf di Laad Jiizas; dem did kil di prafit dem tu. An den dem kom kom mek wi sofa. Dem mek Gad beks bad! An dem an nobadi a no fren!