Revilieshan 18:23 - Di Jamiekan Nyuu Testiment

²³ No muo lamp lait wi eva shain iina yu siti agen. No muo wedn wi eva apm iina yu siti agen. Yu did av di bes biznizman dem iina di worl. Yu yuuz yu uobiya fi chrik op aal a di piipl dem iina di worl.

Revilieshan 18:23 ပူးပေါင်းရင်းမြစ်များ

Aks 8:11

Dem did lisn tu im aad aad kaaz fi wan lang lang taim dem kudn biliiv di sitn dem we dem si im du.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 17:2

we di king dem pan di ort du aal kain-a naasi seks sin wid, an di piipl dem we liv iina di worl get jongk fram di wain we shi gi dem an du aal kain-a seks sin laik ar.”

Revilieshan 17:5

Shi av wan niem rait pan ar farid we nobadi no nuo wa it miin. Di niem se: A MI A POWAFUL BABILAN. MI A DI MUMA FI AAL UOR AN FI AAL KAIN-A SEKS SIN AN NAASINIS IINA DI WORL.

Revilieshan 18:22

No muo myuuzik naa go plie iina yu agen: no aap, no fluut an no chompit. Nobadi we du no kain-a chried wi eva wok iina yu agen. Nobadi wi eva ier no grien a grain agen iina yu siti.

Revilieshan 18:3

Kaaz aal a di konchri dem iina di worl jringk di wain we mek dem du aal kain-a seks sin laik ar. Di king dem pan di ort du aal kain-a naasi seks sin wid ar, an di bizniz piipl dem iina di worl get rich fram di uol iip a seks sin we shi du.”

Revilieshan 18:9

“Wen di king dem pan ort we tek paat iina aal kain-a seks sin wid ar an we liv ou shi liv, si di sumuok we a kom fram di faiya we a bon ar op, dem a-go ala an baal fi ar.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.

Revilieshan 22:5

No muo nait naa go kom iina di siti, so Gad piipl dem naa go niid no lamp lait ar no son lait, kaaz di Laad Gad brait brait lait a-go lait op di siti. An Gad piipl a-go ruul fi eva an eva.

Revilieshan 6:15

Den di king dem pan ort, di impuotant piipl dem, di aami liida dem, rich piipl, evribadi, weda dem a sliev ar dem frii, ron go aid iina kiev an baka di mountn rak dem.

Revilieshan 9:21

An dem neva tap kil an wok uobiya, an tek paat iina aal saat a seks sin, an dem neva tap tiif niida.