Revilieshan 18:19 - Di Jamiekan Nyuu Testiment

¹⁹ Dem fling dot pan dem ed, an ala, an baal an se: “ ‘Woi! Woi luk pan di big big siti. Evribadi we did av ship outa sii get rich aafa ar. Iina wan owa di uol siti mash op!

Revilieshan 18:19 ပူးပေါင်းရင်းမြစ်များ

Revilieshan 18:10

Dem wi stie faar fram ar kaaz dem fried se wa a apm tu ar mait-a riich dem tu. An dem a-go baal an se, “ ‘Woi! Woi! Luk pan di big big siti! Luk wa apm tu Babilan di powaful siti! Iina wan owa Gad joj yu an di uol siti mash op!’

Revilieshan 18:3

Kaaz aal a di konchri dem iina di worl jringk di wain we mek dem du aal kain-a seks sin laik ar. Di king dem pan di ort du aal kain-a naasi seks sin wid ar, an di bizniz piipl dem iina di worl get rich fram di uol iip a seks sin we shi du.”

Revilieshan 18:8

Siek-a dat, iina wan die, torbl sofarieshan a-go tek ar: som a ar piipl a-go ded, piipl a-go ala an baal, nof staavieshan a-go de pan di lan. An faiya a-go bon ar op, kaaz di Laad Gad we joj ar, im powaful.

Revilieshan 17:16

Di wail animal an di ten aan dem we yu did si a-go iet di uor. Dem a-go mash ar op an lef ar niekid. Dem a-go nyam ar flesh an tek faiya bon ar op.