Revilieshan 18:16 - Di Jamiekan Nyuu Testiment

¹⁶ an se, “ ‘Chobl! Chobl fi di big big siti, we aalwiez jres op iina nais linin, porpl an red kluoz, an nais shaini guol, dier stuon, an porl juwil!

Revilieshan 18:16 ပူးပေါင်းရင်းမြစ်များ

Revilieshan 17:3

Den di Spirit tek kanchuol a mi, an di ienjel kyari mi go iina wan plies we nobadi neva liv, an mi si wan uman sidong pan wan red red wail animal. Di wail animal did av wan uol iip a torbl niem rait op aal uova im we kos out Gad. An im av sevn ed an ten aan.

Revilieshan 17:4

Di uman did jres op iina porpl an red kluoz. Shi did a wier som guol an ada juwil laik porl an dier stuon. Iina ar an shi did av wan guol kop. Di kop did ful op a di wikid an torbl naasinis we shuo ar seks sin dem.

Revilieshan 18:18

Wen dem si di sumuok we a kom fram di faiya we a bon ar op, dem baal out, ‘No siti eva powaful laik da wan ya?’

Revilieshan 18:19

Dem fling dot pan dem ed, an ala, an baal an se: “ ‘Woi! Woi luk pan di big big siti. Evribadi we did av ship outa sii get rich aafa ar. Iina wan owa di uol siti mash op!