Revilieshan 18:12 - Di Jamiekan Nyuu Testiment

¹² gudz laik guol, silva, dier stuon an porl. Nobadi naa go bai dem linin, dem dier porpl klaat, dem silk klaat ar dem red klaat. Nobadi naa go bai di sitn dem we mek outa swiit wud, ar elifant tiit, dier wud, branz, aiyan an maabl.

Revilieshan 18:12 ပူးပေါင်းရင်းမြစ်များ

Revilieshan 17:3

Den di Spirit tek kanchuol a mi, an di ienjel kyari mi go iina wan plies we nobadi neva liv, an mi si wan uman sidong pan wan red red wail animal. Di wail animal did av wan uol iip a torbl niem rait op aal uova im we kos out Gad. An im av sevn ed an ten aan.

Revilieshan 17:4

Di uman did jres op iina porpl an red kluoz. Shi did a wier som guol an ada juwil laik porl an dier stuon. Iina ar an shi did av wan guol kop. Di kop did ful op a di wikid an torbl naasinis we shuo ar seks sin dem.

Revilieshan 18:15

Di bizniz piipl dem we sel aal a dem sitn de, an we get rich aafa ar a-go tan op faar fram ar, kaaz dem fried se di sofarieshan we lik ar mait-a riich dem tu. Dem a-go ala an baal,