Revilieshan 18:11 - Di Jamiekan Nyuu Testiment

¹¹ “Di bizniz piipl dem iina di worl a-go ala an baal fi ar kaaz nobadi naa bai dem gudz no muo —

Revilieshan 18:11 ပူးပေါင်းရင်းမြစ်များ

Revilieshan 18:3

Kaaz aal a di konchri dem iina di worl jringk di wain we mek dem du aal kain-a seks sin laik ar. Di king dem pan di ort du aal kain-a naasi seks sin wid ar, an di bizniz piipl dem iina di worl get rich fram di uol iip a seks sin we shi du.”

Revilieshan 18:23

No muo lamp lait wi eva shain iina yu siti agen. No muo wedn wi eva apm iina yu siti agen. Yu did av di bes biznizman dem iina di worl. Yu yuuz yu uobiya fi chrik op aal a di piipl dem iina di worl.

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 18:15

Di bizniz piipl dem we sel aal a dem sitn de, an we get rich aafa ar a-go tan op faar fram ar, kaaz dem fried se di sofarieshan we lik ar mait-a riich dem tu. Dem a-go ala an baal,

Revilieshan 18:9

“Wen di king dem pan ort we tek paat iina aal kain-a seks sin wid ar an we liv ou shi liv, si di sumuok we a kom fram di faiya we a bon ar op, dem a-go ala an baal fi ar.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

Matyu 22:5

“Bot dem neva weehn a tek im aan at aal, an dem lef go we sed wie. Som go a dem faam, som did av bizniz fi tek kier a.

Jan 2:16

Im se tu dem we did a sel di dov dem se, “Tek we dem sitn ya outa ya! No tek mi Faada ous ton maakit!”