Revilieshan 17:8 - Di Jamiekan Nyuu Testiment

⁸ Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Revilieshan 17:8 ပူးပေါင်းရင်းမြစ်များ

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Luuk 10:20

No bada glad se diiman du we unu tel dem fi du. Wa unu fi glad bout a se unu niem rait dong iina evn.”

Luuk 8:31

Di diiman dem did a beg Jiizas no fi tel dem fi go dong a di diiman prizn — di pit we naa no batam.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Aks 15:18

an piipl nuo dem sitn de fram wie bak wen.”

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

1 Piita 1:20

Gad did pik im fi du dis fram bifuo dis ya worl did mek an im shuo op iina di laas die dem fi unu uona gud.

Revilieshan 11:7

Wen dem don se aal wa Gad waahn dem fi se, di wail wail animal we kom op outa di diip diip pit we no av no batam gweehn atak dem, an biit dem an kil dem.

Revilieshan 17:11

Di wail animal we did de ya aredi, an ded nou, a-go ton king nomba iet. Im a did wan a di sevn king dem, bot Gad a-go don im.

Revilieshan 17:2

we di king dem pan di ort du aal kain-a naasi seks sin wid, an di piipl dem we liv iina di worl get jongk fram di wain we shi gi dem an du aal kain-a seks sin laik ar.”

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

Revilieshan 20:12

An mi si ded piipl, piipl we mata an piipl we no mata, tan op infronta di chuon, an som buk did uopm op. An wan neda buk did uopm op tu, di buk we Gad rait dong di niem a di piipl dem we a-go get fi liv fi eva. Di ded piipl dem get joj bies pan wa dem did du. An wa dem did du did rait dong iina di buk dem.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.

Revilieshan 3:10

Kaaz mi tel unu fi tan op chrang an no gi op wen chobl tek unu, an unu dwi'it, mi a-go kip unu sief iina da taim de wen torbl kraasiz an sofarieshan a-go kom pan di uol worl fi tes aal uu liv pan di ort.

Revilieshan 3:5

Enibadi we no gi iin tu di sitn dem we di devl waahn dem fi du, dem a-go get jres op iina wait kluoz tu. Mi naa go kraas out dem niem outa di buk we Gad rait dong di niem a di piipl dem we a-go get fi liv fi eva, bot wen mi tan op infronta mi Faada an im ienjel dem, mi wi se dat dem a fi mi falara.