Revilieshan 17:4 - Di Jamiekan Nyuu Testiment

⁴ Di uman did jres op iina porpl an red kluoz. Shi did a wier som guol an ada juwil laik porl an dier stuon. Iina ar an shi did av wan guol kop. Di kop did ful op a di wikid an torbl naasinis we shuo ar seks sin dem.

Revilieshan 17:4 ပူးပေါင်းရင်းမြစ်များ

Revilieshan 18:16

an se, “ ‘Chobl! Chobl fi di big big siti, we aalwiez jres op iina nais linin, porpl an red kluoz, an nais shaini guol, dier stuon, an porl juwil!

Revilieshan 19:2

Priez im kaaz im joj piipl ou dem fi get joj. Im joj di powaful uor we mek aal di piipl pan di ort tek paat iina ar seks sin dem. Im ponish ar fi'im piipl dem we shi kil.”

Revilieshan 18:12

gudz laik guol, silva, dier stuon an porl. Nobadi naa go bai dem linin, dem dier porpl klaat, dem silk klaat ar dem red klaat. Nobadi naa go bai di sitn dem we mek outa swiit wud, ar elifant tiit, dier wud, branz, aiyan an maabl.

Revilieshan 14:8

Den mi si wan sekan ienjel iina di skai an mi ier im kaal out se, “Mash op! Babilan di powaful siti mash op! Shi mek aal a di konchri dem iina di worl jringk di wain we mek dem du aal kain-a seks sin laik ar.”

Revilieshan 9:21

An dem neva tap kil an wok uobiya, an tek paat iina aal saat a seks sin, an dem neva tap tiif niida.

Revilieshan 21:21

Di twelv giet dem a twelv porl, so wan giet mek outa wan porl. An di mien ruod iina di siti di mek outa di bes kain-a guol. An di wie ou di guol did so gud, it komiin laik lait did a shain chuu it jos laik ou lait shain chuu glaas.