Revilieshan 17:3 - Di Jamiekan Nyuu Testiment

³ Den di Spirit tek kanchuol a mi, an di ienjel kyari mi go iina wan plies we nobadi neva liv, an mi si wan uman sidong pan wan red red wail animal. Di wail animal did av wan uol iip a torbl niem rait op aal uova im we kos out Gad. An im av sevn ed an ten aan.

Revilieshan 17:3 ပူးပေါင်းရင်းမြစ်များ

Matyu 27:28

Dem tier aaf im kluoz an put aan wan brait red ruob pan im.

Aks 8:39

Afta dem kom op outa di waata, aal av a sodn Gad Spirit jos tek we Filip an di man we inchaaj a di moni neva si im agen. So im ed fi im yaad a gi Gad priez.

2 Tesaluoniyan 2:4

Im a-go fait gens eniting an enibadi we piipl kaal gad, an eniting we dem worship. An im a-go put imself aiya dan dem. Im a-go aal tek siit iina Gad ous an kliem se im a Gad.

Revilieshan 1:10

Pan di die wen piipl gyada fi worship di Laad, di Uoli Spirit tek kanchuol a mi. Den mi ier wan vais baka mi, an di vais loud an klier laik wan chompit.

Revilieshan 12:14

Sumadi gi di uman tuu wing laik wan powaful iigl, so shi kuda flai go a di plies we Gad set op fi ar — faar faar we nobadi no liv. A de-so shi a-go get luk aafa fi chrii an a aaf ier, we di jragan kyaahn du ar notn.

Revilieshan 12:3

Den mi si wan neks powaful sain iina evn: wan big big red jragan we av sevn ed an ten aan, an sevn kroun pan im ed dem.

Revilieshan 12:6

Di uman ron we go a wan plies we Gad set op fi ar, faar faar we nobadi no liv. A de-so shi a-go get luk aafa fi wan touzn, tuu onjrid an siksti die.

Revilieshan 17:18

Di uman we yu si a di powaful siti. Fi ar king ruul uova aal a di ada king dem iina di worl.”

Revilieshan 17:4

Di uman did jres op iina porpl an red kluoz. Shi did a wier som guol an ada juwil laik porl an dier stuon. Iina ar an shi did av wan guol kop. Di kop did ful op a di wikid an torbl naasinis we shuo ar seks sin dem.

Revilieshan 18:12

gudz laik guol, silva, dier stuon an porl. Nobadi naa go bai dem linin, dem dier porpl klaat, dem silk klaat ar dem red klaat. Nobadi naa go bai di sitn dem we mek outa swiit wud, ar elifant tiit, dier wud, branz, aiyan an maabl.

Revilieshan 18:16

an se, “ ‘Chobl! Chobl fi di big big siti, we aalwiez jres op iina nais linin, porpl an red kluoz, an nais shaini guol, dier stuon, an porl juwil!

Revilieshan 21:10

Den di Spirit tek kanchuol a mi an di ienjel kyari mi we go op a di tap a wan ai ai mountn. Im shuo mi di uoli siti, Jeruusilem, we did a kom dong fram Gad, outa evn.

Revilieshan 4:2

Siem taim di Uoli Spirit tek kanchuol a mi, an mi si wan chuon iina evn wid sumadi sidong pan it.