Revilieshan 17:15 - Di Jamiekan Nyuu Testiment

¹⁵ Den di ienjel tel mi se, “Di waata we yu si, (we di uor sidong), a piipl — kroud a piipl fram aal kain-a konchri we taak aal kain-a langwij.

Revilieshan 17:15 ပူးပေါင်းရင်းမြစ်များ

Revilieshan 10:11

Den dem tel mi se, “Yu afi go gi mesij agen bout wa Gad plan fi uol iip a piipl, fram uol iip a konchri, an we taak aal saat a langwij, an tu nof king tu.”

Revilieshan 11:9

Fi chrii an a aaf die piipl gweehn luk pan dem ded badi a lai dong iina di ruod. Piipl fram evri chraib, evri konchri an piipl we taak aal saat a langwij a-go luk pan dem, kaaz dem naa go mek nobadi beri dem.

Revilieshan 17:1

Wan a di sevn ienjel dem we av di sevn boul dem kom an se tu mi se, “Kum ya! Mek a shuo yu ou Gad a-go joj an ponish di powaful an wikid uor — dat a di siti we bil op saida uol iip a waata,

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.