Revilieshan 17:12 - Di Jamiekan Nyuu Testiment

¹² “Di ten aan dem we yu did si a ten king we neva get fi ruul yet, bot dem a-go get powa fi ruul wid di wail animal fi wan owa.

Revilieshan 17:12 ပူးပေါင်းရင်းမြစ်များ

Revilieshan 10:11

Den dem tel mi se, “Yu afi go gi mesij agen bout wa Gad plan fi uol iip a piipl, fram uol iip a konchri, an we taak aal saat a langwij, an tu nof king tu.”

Revilieshan 12:3

Den mi si wan neks powaful sain iina evn: wan big big red jragan we av sevn ed an ten aan, an sevn kroun pan im ed dem.

Revilieshan 13:1

Wen mi luk mi si wan wail animal a kom outa di sii. It av ten aan an sevn ed, wid ten likl kroun pan im aan dem, an pan evri wan a im ed dem im av wan niem we se som torbl sitn bout Gad.

Revilieshan 17:16

Di wail animal an di ten aan dem we yu did si a-go iet di uor. Dem a-go mash ar op an lef ar niekid. Dem a-go nyam ar flesh an tek faiya bon ar op.

Revilieshan 18:10

Dem wi stie faar fram ar kaaz dem fried se wa a apm tu ar mait-a riich dem tu. An dem a-go baal an se, “ ‘Woi! Woi! Luk pan di big big siti! Luk wa apm tu Babilan di powaful siti! Iina wan owa Gad joj yu an di uol siti mash op!’

Revilieshan 18:17

Kaaz iina wan owa aal a di sitn dem we mek yu rich get mash op!’ “An evri ship kyaptin an evribadi we wok pan di ship, di piipl dem we chravl iina buot, di siela dem an aal uu mek moni aafa di sii, tan faar fram ar.

Revilieshan 18:19

Dem fling dot pan dem ed, an ala, an baal an se: “ ‘Woi! Woi luk pan di big big siti. Evribadi we did av ship outa sii get rich aafa ar. Iina wan owa di uol siti mash op!