Revilieshan 17:11 - Di Jamiekan Nyuu Testiment

¹¹ Di wail animal we did de ya aredi, an ded nou, a-go ton king nomba iet. Im a did wan a di sevn king dem, bot Gad a-go don im.

Revilieshan 17:11 ပူးပေါင်းရင်းမြစ်များ

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Revilieshan 13:3

Wan a di wail animal ed did av wan chap we luk laik it did kil im, bot im ed did get beta. Aal di piipl pan di ort shak wen dem si di wail animal,

Revilieshan 13:10

Ef nobadi fi get lak op iina prizn, a dat a-go apm tu dem. Ef nobadi fi get kil wid di suod, dem a-go get kil wid di suod. Dat miin se Gad piipl dem mos tan op chrang an no mek notn tap dem fram chos iina Gad no mata wa apm.

Revilieshan 13:12

Im yuuz di siem kain-a powa we di fos wail animal did av gens aal a di piipl dem pan di ort an fuos dem fi worship di fos wail animal we did av wan chap we luk laik it did kil im, bot we ed did get beta. An aal we im du, im du it infronta di fos wail animal.