Revilieshan 16:7 - Di Jamiekan Nyuu Testiment

⁷ Den mi ier wan vais fram di alta se: “Yes, Laad Gad, nobadi no powaful laik yu, yu joj piipl ou dem fi get joj an gi dem wa dem dizorv!”

Revilieshan 16:7 ပူးပေါင်းရင်းမြစ်များ

Revilieshan 19:2

Priez im kaaz im joj piipl ou dem fi get joj. Im joj di powaful uor we mek aal di piipl pan di ort tek paat iina ar seks sin dem. Im ponish ar fi'im piipl dem we shi kil.”

Revilieshan 6:9

Wen im brok di fif chring, mi si anda di alta di suol a di piipl dem we did get kil kaaz dem biliiv Gad wod an kaaz dem tel piipl bout Gad.

Revilieshan 14:18

An wan neks ienjel we inchaaj a faiya kom fram di alta an kaal out loud loud tu di wan we av di shaap kotlis. Im se, “Tek yu shaap kotlis an gyada di bonch a griep fram di griep vain dem pan di ort, kaaz di griep dem raip nou.”

Revilieshan 14:10

Gad a-go beks bad an a-go ponish dem wikid. A laik se dem a jringk chrang wain we Gad chuo gi dem iina wan kop an it no waata dong. Gad gweehn ponish dem wid solfa we a-go bon dem op laik faiya infronta im uoli ienjel dem an di Biebi Shiip.

Revilieshan 13:10

Ef nobadi fi get lak op iina prizn, a dat a-go apm tu dem. Ef nobadi fi get kil wid di suod, dem a-go get kil wid di suod. Dat miin se Gad piipl dem mos tan op chrang an no mek notn tap dem fram chos iina Gad no mata wa apm.

Revilieshan 1:8

Di Laad Gad se, “A mi staat evriting an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort. A mi a di wan we av aal a di powa.”