Revilieshan 16:6 - Di Jamiekan Nyuu Testiment

⁶ kaaz dem kil yu piipl an yu prafit dem an mek fi dem blod ron, so yu gi dem blod fi jringk, an a dat dem dizorv.”

Revilieshan 16:6 ပူးပေါင်းရင်းမြစ်များ

Matyu 7:2

Kaaz di siem wie ou unu joj piipl, a so Gad a-go joj unu tu. Ef unu tek taim wid ada piipl, a so Gad a-go tek taim wid unu tu, bot ef unu redi fi rof dem op an rait dem aaf, a dat a-go riich unu tu.

Luuk 12:48

Di wan we no nuo se im a du sitn rang jos a-go get wan wan lik. Evribadi we get uol iip, afi go gi uol iip. Enibadi we di maasta chos an lef inchaaj a uol iip a sitn, afi go ansa fi uol iip.”

Iibruu 10:29

So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?

Revilieshan 11:18

Di piipl dem we neva did a worship yu did wel beks wid yu; an di taim kom nou fi yu shuo dem se yu beks wid dem tu. An a taim nou fi yu joj di ded, an fi gi yu sorvant di prafit dem, an yu piipl an aal uu ana an rispek yu, weda dem big ar likl, wa dem dizorv. An a taim nou fi yu mash op di piipl dem we a mash op di ort.”

Revilieshan 13:10

Ef nobadi fi get lak op iina prizn, a dat a-go apm tu dem. Ef nobadi fi get kil wid di suod, dem a-go get kil wid di suod. Dat miin se Gad piipl dem mos tan op chrang an no mek notn tap dem fram chos iina Gad no mata wa apm.

Revilieshan 13:15

Gad lou di sekan wail animal fi get powa fi gi laif tu di sitn we luk laik di fos wail animal so dat it kuda taak, an kil enibadi we no waahn worship it.

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 18:24

Gad ponish Babilan kaaz shi did kil im piipl an im prafit dem, an aal di piipl we get kil aal uova di worl, a Babilan kil dem.”

Revilieshan 19:2

Priez im kaaz im joj piipl ou dem fi get joj. Im joj di powaful uor we mek aal di piipl pan di ort tek paat iina ar seks sin dem. Im ponish ar fi'im piipl dem we shi kil.”