Revilieshan 16:17 - Di Jamiekan Nyuu Testiment

¹⁷ Ienjel nomba sevn pich out wa iina fi im boul iina di ier, an wan loud vais kom fram Gad chuon we iina Gad ous, it se, “It don.”

Revilieshan 16:17 ပူးပေါင်းရင်းမြစ်များ

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

Jan 19:30

Wen im get di wain, im se, “It don nou.” Den im ben dong im ed an put im spirit iina Gad an an ded.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Revilieshan 16:1

Den mi ier wan loud vais fram Gad ous se tu di sevn ienjel dem, “Unu go pich out wa iina unu boul pan di ort fi shuo se Gad wel beks.”

Revilieshan 14:17

Wan neks ienjel kom outa Gad ous iina evn wid wan shaap kotlis tu.

Revilieshan 14:15

Den wan neda ienjel kom outa Gad ous an kaal out luod loud tu di sumadi we sidong pan di kloud, im se, “Tek yu kotlis an staat chap dong di fiil, kaaz di fruut dem pan di ort wel raip an di taim kom nou fi staat gyada op wa de pan di ort.”

Revilieshan 11:19

Den Gad ous iina evn uopm op. An mi si iina Gad ous di likl wud baks we kip di tuu stuon buk dem we Gad did gi Muoziz an we av di ten Laa dem rait pan it. Siem taim laitnin did a flash, tonda staat ruol, wan ortkwiek lik an wan torbl staam kom, an aal ais staat jrap fram di skai.

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”