Revilieshan 16:14 - Di Jamiekan Nyuu Testiment

¹⁴ Di spirit dem a diiman spirit we du som powaful sitn. Dem go out aal uova di worl go gyada op di king dem fi waar — di waar we a-go apm pan di big die wen Gad, we muo powaful dan evribadi, a-go joj piipl.

Revilieshan 16:14 ပူးပေါင်းရင်းမြစ်များ

Revilieshan 17:14

Dem a-go mek waar gens di Biebi Shiip, bot di Biebi Shiip a-go biit dem kaaz im a Laad uova aal laad an King uova evri king — im a-go av im speshal piipl dem wid im, we im kaal, pik, an we du we im se.”

1 Timoti 4:1

Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.

Revilieshan 20:8

an im a-go kom out an go fuul op di konchri dem aal uova di worl — dem kaal dem konchri ya Gag an Miegag. Im a go fi gyada dem op fi waar. Di wie dem so nof, dem komiin laik san a sii-said.

1 Jan 5:19

Wi nuo se wi bilang tu Gad an dat di devl kanchuol di uol worl.

Jiemz 3:15

Wa dem de piipl de kaal waiz no kom fram evn. Wa dem kaal waiz kom fram di worl, an no av notn fi du wid di Spirit — it kom fram di devl.

Revilieshan 16:16

Di wikid spirit dem gyada op di ruula dem an dem aami dem a wan plies we iina di Iibruu langwij dem kaal Aamagedan.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

2 Tesaluoniyan 2:9

A Sietan a-go mek di wan we brok Gad Laa kom. An im a-go gi im powa fi wok aal kain-a mirikl an shuo aal kain-a sain.

Maak 13:22

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

Matyu 24:24

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Revilieshan 3:10

Kaaz mi tel unu fi tan op chrang an no gi op wen chobl tek unu, an unu dwi'it, mi a-go kip unu sief iina da taim de wen torbl kraasiz an sofarieshan a-go kom pan di uol worl fi tes aal uu liv pan di ort.

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Revilieshan 16:7

Den mi ier wan vais fram di alta se: “Yes, Laad Gad, nobadi no powaful laik yu, yu joj piipl ou dem fi get joj an gi dem wa dem dizorv!”

Revilieshan 13:3

Wan a di wail animal ed did av wan chap we luk laik it did kil im, bot im ed did get beta. Aal di piipl pan di ort shak wen dem si di wail animal,

Revilieshan 6:17

Kaaz di torbl die kom wen Gad an di Biebi Shiip a-go ponish wikid piipl, an nobadi at aal kyaahn diil wid da jojment de.”

Luuk 2:1

Iina dem die de, di Ruoman ruula, Siiza Agostos, gi aada fi rait dong di niem a evribadi iina im kindom.

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.