Revilieshan 16:10 - Di Jamiekan Nyuu Testiment

¹⁰ Den ienjel nomba faiv pich out wa iina fi im boul pan di wail animal chuon, an kaaz daaknis fi kom dong pan di uol a im kindom. Di torbl pien we piipl sofa, mek dem chaa op chaa op dem tong.

Revilieshan 16:10 ပူးပေါင်းရင်းမြစ်များ

Revilieshan 9:2

Wen im uopm di tonel we liid go dong a di pit, sumuok kom op fram di pit laik sumuok we kom fram wan big faiya-said. Di sumuok we kom outa di tonel did so blak an tik dat it blak out di son lait an daak op di skai.

Matyu 8:12

Bot di wan dem we did fi bi paat a Gad kindom, Gad a-go chuo dem out go wan plies we blak laka midnait. De-so, piipl a-go a baal an a grain dem tiit di wie pien a waks dem.”

Revilieshan 18:23

No muo lamp lait wi eva shain iina yu siti agen. No muo wedn wi eva apm iina yu siti agen. Yu did av di bes biznizman dem iina di worl. Yu yuuz yu uobiya fi chrik op aal a di piipl dem iina di worl.

Revilieshan 17:17

Kaaz Gad put iina dem aat we im waahn dem fi du. Im mek dem mek op dem main fi gi di wail animal fi dem powa fi ruul so til im wod kom chuu.

Matyu 22:13

“Den di king tel di sorvant dem we wok iina di ous se, ‘Tai op im an an fut dem, an chuo im wich paat it blak laka migl nait. De-so, dem a-go baal an grain dem tiit, siek-a di pien we a waks dem.’

Revilieshan 18:21

Den wan powaful ienjel pik op wan big big rakstuon we komiin laik di stuon we dem yuus fi grain grien. Im fling it iina di sii an se: “Siem laik ou da rakstuon ya get fling iina di sii aad aad, a siem so Babilan di powaful siti a-go get lik dong aad aad, an nobadi naa go kyan fain ar.

Luuk 13:28

“Unu a-go a baal an a grain unu tiit, wen unu si Iebriyam, Aizak, Jiekob an aal di prafit dem iina Gad kindom, an unu get lef out.

Matyu 24:51

Di maasta a-go chap im iina tuu an fling im we di ipokrit dem de. De-so piipl a-go baal an a grain dem tiit di wie pien a waks dem.”

Revilieshan 17:9

“(Aal dem sitn ya we mi a se, dem kaal fi sumadi we tingk waiz). Di sevn ed dem tan fi di sevn mountn we paat di uman sidong. Di sevn ed dem tan fi sevn king tu.

Matyu 13:50

An dem a-go dash dem dong a el we di faiya a bon at at. De-so, piipl a-go baal so til, an dem a-go grain dem tiit di wie ou pien a bait dem.

Matyu 13:42

An dem a-go dash dem dong a el we di faiya a bon at at. De-so, piipl a-go a baal out dem yai an a grain dem tiit di wie pien a lik dem.

Revilieshan 18:2

Im shout out wid wan powaful vais: “Mash op! Babilan di powaful siti mash op! Shi ton wan yaad fi diiman, wan aid out fi evri wikid spirit, wan ruus fi evri kain-a doti bod.

Revilieshan 11:10

Di piipl dem pan di ort a-go wel api se dem tuu prafit de ded. Dem a-go paati an sen prezent go gi wan aneda kaaz dem tuu prafit de yuus tu mek di piipl dem sofa wikid wikid.

Revilieshan 11:8

Dem badi a-go get lef pan di ed ruod a di big big siti we evribadi nuo, di toun we dem kaal Sadam ar Iijip. It kaal Sadam ar Iijip kaaz a de dem did kil dem Laad pan di kraas.

Revilieshan 11:2

Bot no meja out iina di yaad we mi ous de, kaaz mi gi da paat de tu di piipl dem we a no Juu. Dem a-go tek kanchuol a di uoli siti an ruul it fi faati-tuu mont.

1 Piita 2:17

Rispek evribadi. Unu fi lov di ada piipl dem we biliiv iina Gad tu. Unu fi andastan ou big Gad bi an gi im di muos rispek. An unu fi rispek di king tu.

Revilieshan 8:12

Wen di fuot ienjel bluo fi im chompit, sitn lik di son, an di muun an di staar dem. An ef yu plit dem op iina chrii paat, wan paat a dem ton daak. An ef yu plit op di die an di nait dem iina chrii paat, wan paat a dem neehn av no lait.