Revilieshan 16:1 - Di Jamiekan Nyuu Testiment

¹ Den mi ier wan loud vais fram Gad ous se tu di sevn ienjel dem, “Unu go pich out wa iina unu boul pan di ort fi shuo se Gad wel beks.”

Revilieshan 16:1 ပူးပေါင်းရင်းမြစ်များ

Revilieshan 15:1

Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.

Revilieshan 16:17

Ienjel nomba sevn pich out wa iina fi im boul iina di ier, an wan loud vais kom fram Gad chuon we iina Gad ous, it se, “It don.”

Revilieshan 14:18

An wan neks ienjel we inchaaj a faiya kom fram di alta an kaal out loud loud tu di wan we av di shaap kotlis. Im se, “Tek yu shaap kotlis an gyada di bonch a griep fram di griep vain dem pan di ort, kaaz di griep dem raip nou.”

Revilieshan 14:15

Den wan neda ienjel kom outa Gad ous an kaal out luod loud tu di sumadi we sidong pan di kloud, im se, “Tek yu kotlis an staat chap dong di fiil, kaaz di fruut dem pan di ort wel raip an di taim kom nou fi staat gyada op wa de pan di ort.”

Revilieshan 11:19

Den Gad ous iina evn uopm op. An mi si iina Gad ous di likl wud baks we kip di tuu stuon buk dem we Gad did gi Muoziz an we av di ten Laa dem rait pan it. Siem taim laitnin did a flash, tonda staat ruol, wan ortkwiek lik an wan torbl staam kom, an aal ais staat jrap fram di skai.