Revilieshan 15:8 - Di Jamiekan Nyuu Testiment

⁸ Gad brait brait lait an im powa ful op im ous wid sumuok. Nobadi kudn go iina Gad ous til di sevn torbl sitn dem don — di torbl sitn wa di sevn ienjel dem did av fi mek piipl sofa.

Revilieshan 15:8 ပူးပေါင်းရင်းမြစ်များ

Revilieshan 15:1

Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.

2 Tesaluoniyan 1:9

Dem a-go get ponish. Dem a-go sofa fi eva an eva, kaaz dem naa go kyan de we di Laad de, an dem naa go eva get fi si ou di Laad big an powaful.

Ruoman 11:33

Gad gud an kain tu aal piipl nof nof! Nobadi no waiz laik im an nobadi no nuo aal we im nuo. Uu kyan se wai im mek op im main fi du di sitn dem we im du? Uu kyan andastan di wie im du tingz?

Revilieshan 21:11

Di siti did ful-a Gad brait brait lait. Di wie it did so brait, it luk laik wan dier griin an bluu stuon we niem jaspa. Di stuon did so klier, yu kuda si rait chuu it, siem laik ou yu kyan si chuu kristal.