Revilieshan 15:6 - Di Jamiekan Nyuu Testiment

⁶ An di sevn ienjel dem we av di sevn torbl sitn dem we a-go mek piipl sofa kom outa Gad ous. Dem did av aan linin kluoz we did kliin an shain. An aal a dem did av aan wan braad guol belt kraas dem ches.

Revilieshan 15:6 ပူးပေါင်းရင်းမြစ်များ

Luuk 24:4

Siem taim wen dem a wanda wa apm, tuu man iina kluoz we brait laik lait kom tan op saida dem.

Revilieshan 1:13

An tan op iina di migl a dem, mi si sopm we luk laik wan man. Im did av aan wan lang lang jakit we kech im klier dong a im fut, an wan guol chrap kraas im ches.

Revilieshan 14:15

Den wan neda ienjel kom outa Gad ous an kaal out luod loud tu di sumadi we sidong pan di kloud, im se, “Tek yu kotlis an staat chap dong di fiil, kaaz di fruut dem pan di ort wel raip an di taim kom nou fi staat gyada op wa de pan di ort.”

Revilieshan 14:17

Wan neks ienjel kom outa Gad ous iina evn wid wan shaap kotlis tu.

Revilieshan 15:1

Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.

Revilieshan 19:8

Gad gi ar kluoz fi wier, we mek outa priti linin we brait an kliin.” (Di priti kliin linin a di rait sitn dem we Gad piipl dem du.)