Revilieshan 15:4 - Di Jamiekan Nyuu Testiment

⁴ Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”

Revilieshan 15:4 ပူးပေါင်းရင်းမြစ်များ

Ruoman 15:9

Krais Jiizas did kom tu, so dat di piipl we a no Juu kuda priez Gad kaaz im did gud an kain tu dem. A siem so it rait iina Gad wod se: “So mi wi gi yu tangks wen mi de mongks di piipl we a no Juu, an mi wi sing priez tu yu.”

1 Piita 1:16

Kaaz it rait dong se, “Unu fi tan kliin an no dabl-dabl iina sin, kaa mi kliin an mi na'av notn fi du wid sin.”

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 14:7

Di ienjel kaal out loud loud an se, “Unu beta gi Gad nof rispek an priez, kaaz a fi'im taim nou fi joj aal di piipl dem we de pan di ort. Unu fi worship di wan we mek evriting: di evn an di ort, di sii an di spring dem.”

Revilieshan 16:5

Den mi ier di ienjel we inchaaj a di waata se tu Gad se: “Yu a di Uoli Gad, di wan we liv, di wan we de bout fram wie bak wen, an we eva liv. Yu fier, an yu joj di piipl dem pan di ort ou dem fi get joj,

Revilieshan 16:7

Den mi ier wan vais fram di alta se: “Yes, Laad Gad, nobadi no powaful laik yu, yu joj piipl ou dem fi get joj an gi dem wa dem dizorv!”

Revilieshan 19:2

Priez im kaaz im joj piipl ou dem fi get joj. Im joj di powaful uor we mek aal di piipl pan di ort tek paat iina ar seks sin dem. Im ponish ar fi'im piipl dem we shi kil.”

Revilieshan 19:8

Gad gi ar kluoz fi wier, we mek outa priti linin we brait an kliin.” (Di priti kliin linin a di rait sitn dem we Gad piipl dem du.)

Revilieshan 3:7

Im se tu mi agen se, “Rait da leta ya go gi di liida fi di choch we iina Filidelfiya an tel im se: Da mesij ya a kom fram di wan we uoli an we aalwiez du we Gad waahn im fi du. A im av King Dievid kii we shuo se im av di powa fi ruul. Wa im uopm nobadi kyaahn shot, an wa im shot nobadi kyaahn uopm.

Revilieshan 4:8

Evri wan a di fuo sopm dem av siks wing an di uol a dem badi plos dem siks wing dem ful op a yai. Dem av yai aal anda dem wing. Die an nait dem neva tap se: “Uoli, uoli, uoli Laad Gad a yu av aal di powa. Yu did de bout fram wie bak wen, yu aalwiez a-go de bout, an a yu a-go kom baka ort.”

Revilieshan 6:10

Di suol dem anda di alta kaal out wid wan loud vais, “Ou lang, powaful Laad, yu we uoli an we aalwiez du we Gad waahn yu fi du, ou lang yu a-go wiet fi joj an ponish di piipl dem pan ort we kil wi aaf?