Revilieshan 15:2 - Di Jamiekan Nyuu Testiment

² Mi si sitn we luk laik wan glaas sii miks wid faiya. An mi si di piipl dem we neva gi iin tu di wail animal ar worship di sitn we dem mek fi luk laik im, an we neva tek di nomba fi im niem. Dem did tan op saida di glaas sii, an iina dem an dem did av di aap dem we Gad gi.

Revilieshan 15:2 ပူးပေါင်းရင်းမြစ်များ

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

1 Piita 1:7

Dem ya chraiyal ya, a fi tes umoch unu chos iina Gad, fi mek shuor se unu riili chos iina im, jos laik ou dem tes guol iina faiya fi mek shuor se di guol riil fi chuu. An di chos we unu chos iina Gad — dat wot muo dan guol, kaa guol kyan mash op. So iivn duo unu a go chuu faiya kaa unu chos iina Gad, unu wi gwaan chos iina im siem wie an paas di tes, so Gad wi priez unu an ana unu wen Jiizas Krais kom bak.

1 Piita 4:12

Aal a unu we mi lov, no bada fraitn an gwaan laik se a sitn chrienj a apm tu unu siek-a di faiya we a riich unu iina dem ya chraiyal ya.

Revilieshan 12:11

Gad piipl biit di devl an no gi iin tu di sitn dem we im waahn dem fi du, kaaz dem neva tap biliiv iina Jiizas we did gi op im laif pan di kraas fi dem. An dem neva tap pred di Gud Nyuuz bout Jiizas. An dem neva lov dem laif so moch dat dem wuda fried fi ded.

Revilieshan 13:1

Wen mi luk mi si wan wail animal a kom outa di sii. It av ten aan an sevn ed, wid ten likl kroun pan im aan dem, an pan evri wan a im ed dem im av wan niem we se som torbl sitn bout Gad.

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

Revilieshan 13:17

So nobadi kudn bai ar sel ef dem no av di maak — dat a di wail animal niem ar im nomba.

Revilieshan 21:18

Di siti waal did mek outa som priti griin an bluu stuon we niem jaspa. An di siti did mek outa di bes kain-a guol. An di wie di guol did so gud, it komiin laik lait did a shain chuu it jos laik ou lait shain chuu glaas.

Revilieshan 4:6

Infronta di chuon mi si wan sii we luk laik glaas, we klier laik kristal. Iina di migl an roun di chuon, mi si fuo sopm. Dem av yai a front an yai a bak.

Revilieshan 5:8

Afta im tek it, di fuo laiv sitn dem an di twenti-fuo elda dem fling dong demself infronta di Biebi Shiip. Evri wan a dem did av wan aap an wan guol boul ful-a som spais we dem bon we sumel swiit. Da spais de a riili di prieya a Gad piipl dem.