Revilieshan 14:7 - Di Jamiekan Nyuu Testiment

⁷ Di ienjel kaal out loud loud an se, “Unu beta gi Gad nof rispek an priez, kaaz a fi'im taim nou fi joj aal di piipl dem we de pan di ort. Unu fi worship di wan we mek evriting: di evn an di ort, di sii an di spring dem.”

Revilieshan 14:7 ပူးပေါင်းရင်းမြစ်များ

Matyu 25:13

“So ier wa, mek shuor se unu eva redi an a luk out, kaa unu no nuo a wich die ar a wa taim di Man we Gad Pik a-go kom bak.

Luuk 17:18

Nobadi els no kom bak kom priez Gad? A onggl da farina ya wan?”

Aks 14:15

“Oi! Oi! Wa unu a du dem sitn de fa? No dwi'it! Wi a jos man siem laik unu! Wi onggl kom fi tel unu di Gud Nyuuz. Wi a tel unu fi ton we fram dem woklis sitn ya, an ton tu Gad, di Gad we liv fi eva an we mek evn an ort an di sii an evriting iina dem.

1 Piita 4:7

Bot, di taim wen aal a dis a-go don suun kom. So klier unu ed an staat tingk chriet, get unu main redi fi akshan, kanchuol unuself an staat liv siiros. Du aal a dat so dat unu kyan prie.

Revilieshan 11:13

Siem taim wan torbl ortkwiek apm an ef yu plit op di siti iina ten paat, wan paat mash op. Di ortkwiek kil aaf sevn touzn piipl. An di res a piipl dem kech dem fried an staat gi priez tu di Gad we de a evn.

Revilieshan 11:18

Di piipl dem we neva did a worship yu did wel beks wid yu; an di taim kom nou fi yu shuo dem se yu beks wid dem tu. An a taim nou fi yu joj di ded, an fi gi yu sorvant di prafit dem, an yu piipl an aal uu ana an rispek yu, weda dem big ar likl, wa dem dizorv. An a taim nou fi yu mash op di piipl dem we a mash op di ort.”

Revilieshan 15:4

Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”

Revilieshan 16:9

Di son did so at it bon di piipl dem bad bad. An iivn duo dem a bon op, dem stil a kos Gad, Gad we av powa uova di sitn dem we mek piipl sofa. Dem kos im an stil wudn ton we fram dem sin an gi Gad priez.

Revilieshan 18:10

Dem wi stie faar fram ar kaaz dem fried se wa a apm tu ar mait-a riich dem tu. An dem a-go baal an se, “ ‘Woi! Woi! Luk pan di big big siti! Luk wa apm tu Babilan di powaful siti! Iina wan owa Gad joj yu an di uol siti mash op!’

Revilieshan 18:17

Kaaz iina wan owa aal a di sitn dem we mek yu rich get mash op!’ “An evri ship kyaptin an evribadi we wok pan di ship, di piipl dem we chravl iina buot, di siela dem an aal uu mek moni aafa di sii, tan faar fram ar.

Revilieshan 18:19

Dem fling dot pan dem ed, an ala, an baal an se: “ ‘Woi! Woi luk pan di big big siti. Evribadi we did av ship outa sii get rich aafa ar. Iina wan owa di uol siti mash op!

Revilieshan 19:5

Den wan vais kom fram di chuon a se, “Priez fi wi Gad, aal a unu we a im piipl, an aal a unu we rispek im, weda unu likl ar big, priez im!”

Revilieshan 4:11

“Ana an rispek tu yu, wi Laad an wi Gad, yu fi get priez an ana an powa, kaaz yu mek evriting. Yu mek dem kaaz yu did waahn fi mek dem. An dem de ya kaaz yu waahn dem fi de ya.”

Revilieshan 4:9

Enitaim di sopm dem gi priez, ana an tangks tu di wan we sidong pan di chuon an we liv fi eva an eva,

Revilieshan 8:10

Wen di tord ienjel bluo fi im chompit, wan big staar we did a bon laik faiya jrap fram di skai. An ef yu plit op di riva waata dem an di spring waata dem iina chrii paat, di staar did jrap pan wan paat a dem.