Revilieshan 14:3 - Di Jamiekan Nyuu Testiment

³ An dem sing wan nyuu sang infronta di chuon an infronta di fuo laiv wail animal an di elda dem. Nobadi kudn lorn di sang, onggl di 144,000 we Gad did siev.

Revilieshan 14:3 ပူးပေါင်းရင်းမြစ်များ

1 Korintiyan 1:18

Kaaz di mesij bout ou Jiizas ded pan di kraas fi wi, komiin laik fuulinish tu di wan dem we no biliiv an we a-go go a el. Bot tu wi, di wan dem we siev, it shuo ou Gad powaful.

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

Revilieshan 14:1

Den mi luk, an mi si di Biebi Shiip tan op pan mount Zaiyan, an im 144,000 sorvant dem we av im niem an im Faada niem rait dong pan dem farid did de de wid im.

Revilieshan 15:3

An dem did a sing di sang we Muoziz, Gad sorvant, sing an di sang wa di Biebi Shiip sing: “Laad Gad yu powaful an evriting wa yu du powaful. Yu a King fi aal a di konchri dem iina di worl, an evriting wa yu du an se a chuu.

Revilieshan 2:17

Aal uu av iez fi ier beta lisn gud we di Uoli Spirit a se tu di choch dem. Enibadi we biit di devl an no gi'iin tu di sitn dem we im waahn dem fi du, mi a-go gi dem som a di fuud we niem mana we sumadi did aid. An mi a-go gi dem wan wait stuon tu wid wan nyuu niem rait pan it. Onggl di sumadi we get da stuon de a-go andastan wa rait pan it.’

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.

Revilieshan 7:4

Den mi ier umoch piipl a-go get di maak. A wan onjrid an faati-fuo touzn piipl fram di twelv chraib dem we mek op Izrel.