Revilieshan 14:2 - Di Jamiekan Nyuu Testiment

² An mi ier wan vais fram evn we soun laik wen wan powaful riva kom dong, an laik wen loud tonda ruol. Di soun did komiin laik wa yu ier wen piipl a plie dem aap.

Revilieshan 14:2 ပူးပေါင်းရင်းမြစ်များ

1 Korintiyan 13:1

Ef mi kuda taak aal a di langwij dem iina di worl, aal taak di langwij wa di ienjel dem yuuz bot no av lov iina mi aat, mi komiin laik wan bel ar wan metal pan we jos a mek naiz.

Revilieshan 1:10

Pan di die wen piipl gyada fi worship di Laad, di Uoli Spirit tek kanchuol a mi. Den mi ier wan vais baka mi, an di vais loud an klier laik wan chompit.

Revilieshan 1:15

Im fut dem shain brait laik branz aiyan we dem rob til it shain, an we dem did bon iina faiya fi get out aal wa no fi iina it. An wen im taak, im vais soun loud laik di naiz fram wan big big waatafaal.

Revilieshan 11:12

Den di tuu prafit dem ier wan loud vais outa evn se tu dem, “Kum op ya.” An wan kloud tek dem op iina evn wail dem enimi a wach.

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 15:2

Mi si sitn we luk laik wan glaas sii miks wid faiya. An mi si di piipl dem we neva gi iin tu di wail animal ar worship di sitn we dem mek fi luk laik im, an we neva tek di nomba fi im niem. Dem did tan op saida di glaas sii, an iina dem an dem did av di aap dem we Gad gi.

Revilieshan 18:22

No muo myuuzik naa go plie iina yu agen: no aap, no fluut an no chompit. Nobadi we du no kain-a chried wi eva wok iina yu agen. Nobadi wi eva ier no grien a grain agen iina yu siti.

Revilieshan 5:8

Afta im tek it, di fuo laiv sitn dem an di twenti-fuo elda dem fling dong demself infronta di Biebi Shiip. Evri wan a dem did av wan aap an wan guol boul ful-a som spais we dem bon we sumel swiit. Da spais de a riili di prieya a Gad piipl dem.

Revilieshan 6:1

Mi wach di Biebi Shiip brok di sevn chring dem wan wan. Wen im brok di fos chring, mi ier wan a di fuo sitn dem se iina wan vais we soun laik tonda, “Kum ya!”

Revilieshan 8:7

Di fos ienjel bluo im chompit, an iel an faiya miks op wid blod get fling dong fram di skai pan di ort an wan outa di chrii paat a di ort get bon op. Wan outa evri chrii a di chrii dem we did a gruo an aal a di griin graas get bon op tu.