Revilieshan 14:16 - Di Jamiekan Nyuu Testiment

¹⁶ So di sumadi we did sidong pan di kloud, flash im kotlis uova di ort, an gyada op we fi gyada.

Revilieshan 14:16 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Revilieshan 14:14

Wen mi luk, mi si wan wait kloud infronta mi, an sumadi laik di Man we Gad Pik did a sidong pan di kloud wid wan guol kroun pan im ed, an sitn laik wan shaap kotlis iina im an.

Revilieshan 14:15

Den wan neda ienjel kom outa Gad ous an kaal out luod loud tu di sumadi we sidong pan di kloud, im se, “Tek yu kotlis an staat chap dong di fiil, kaaz di fruut dem pan di ort wel raip an di taim kom nou fi staat gyada op wa de pan di ort.”

Revilieshan 14:17

Wan neks ienjel kom outa Gad ous iina evn wid wan shaap kotlis tu.

Revilieshan 14:19

Di ienjel flash im kotlis pan di ort an gyada op di griep dem. Im tek dem, an fling dem iina di big wain pit we dem kwiiz out di juus outa di griep. An wa apm iina di wain pit komiin laik ou Gad a-go diil wid dem kaaz im wel beks.